Матфей 13:39 - Наа Молҷағ

³⁹ Пуртах оттарны таараан ыырҷы – сайтан, ас кискені – амғы тустың тоозылғаны, ас кисчеткеннер – ангеллер.

Матфей 13:39 Referans Kwoze

Матфей 13:49

Тӱгенҷі тус килзе, ідӧк полар. Ангеллер, сығып, чабалларны, арығ чӱректіг кізілернің аразынаң таллап алып,

Матфей 25:31

Хаҷан Кізі Оолғы Позының сабланызында паза Аннаң хада прай ах-арығ ангеллері чиде салзалар, андада Ол Позының сабланыстығ ӱлгӱ сіреезіне одырыбызар.

Азых чоох 19:20

Анаң аң паза чой ухаанҷы туттыр салғаннар. Ол чой ухаанҷы, аңның алнында хайхастар идіп, аңның таңмазын турғыстырып алғаннарны паза аның омазына пазырғаннарны алаахтырған полған. Ол ікӧлең кӧйчеткен сералығ кӧлзер тірігеӧк тастатхан.

Азых чоох 13:14

Ол чир ӱстӱндегі кізілерні талайдаң сыххан аңның алнында иділҷең хайхастарынаң алаахтырча. Хылыснаң сала ӧдіртпеен, че ам даа тіріг пастағы аңның омазын хоостап саларға кізілерге чоохтапча.

Азых чоох 12:9

Ол илбек сыр чылан – пурунғы чылан полған, аны диавол алай сайтан тіп адапчалар. Прай чир ӱстӱндегі чоннарны алаахтырчатхан сыр чылан позының ангеллерінең хада чирзер тастатхан.

Матфей 24:3

Иисус Елеон тағда одырчатханда, тізең, Андар ӱгренҷілері ле киліп, Аннаң сурғаннар: – Чоохтап пир піске, хаҷан полар ол ниме? Тӱгенҷі тус поларына паза Синің килеріңе хайдағ танығ полар? –

Матфей 13:25

Пу кізінің ыырҷызы, прай чон узупчатхан туста киліп, пуғдай аразына пуртах оттың ӱренін чайа тастап, чӧрібіскен.

Иуданың 1:14

Адамның соондағы читінҷі уйазынаң сыххан Енох пу кізілердеңер піди ухаанҷылаан: «Тӱбен саннығ ах-арығ ангеллерінең хада Худай килер.

1 Петрның 5:8

Китеніңер, сизіктіг полыңар. Ыырҷыңар, сайтан, ыыран чӧрчеткен ала парыс чіли, кемні чібізерін тілеп чӧрче.

Еврейлерге 9:26

Іди киректелген полза, Ағаа, чир пӱткеннең ала, кӧп хати ирееленерге килізерҷік. Ағаа, тізең, чазыхты чох идер ӱчӱн, Позын тайыға пиріп, тӱгенҷі кӱннерде пір ле хати килерге киректелген.

Ефестегілерге 2:2

Хаҷан-да сірер, пу чир ӱстӱндегілернің чабал чолларынҷа парып, чир ӱстӱнде ӱлгӱ тутчатхан кнестің кӧңнінҷе полғазар. Ол ам даа Худайның чооғын испинчеткен кізілерні толғап парча.

2 Коринфтегілерге 11:3

Че Еваны чылан кӧйтігінең алҷаахтырып алған чіли, сірернің дее сағыстарыңны піреезі сайбап салҷаң полбазын тіп хорыхчам. Христосха постарыңны ачых-чарых паза арығ кӧңніліг чарыдарынаң хыйыс парҷаң полбаңар.

2 Коринфтегілерге 2:17

Илееде кізі Худайның сӧзін парыс алар ӱчӱн таратча. Піс олар чіли итпинчебіс. Худайның алнында кӧйтіктенмин тудынып, чоохтапчабыс. Піс Христостың нымысчыларыбыс нооза.

Матфей 13:28

Ол нымысчыларына нандырған: «Аны ыырҷы иткен». Нымысчылары тееннер: «Піс, парып, ол пуртах оттарны чулыбызибыс па?»

Матфей 12:32

Кем Кізі Оолғын чабаллир, аның пырозын тастирлар, че Худай Худын чабаллапчатхан кізінің пырозы амғы даа паза килчеткен дее туста тасталбас. –

Матфей 13:22

Тігенектер аразына тӱскен тамах, тізең, сӧсті исчеткен кізіні таныхтапча. Че ол кізі, чуртасха сағыссырап паза ис-пайға чабыланып, ол сӧсті чабыра пазыбысча. Сӧс, тізең, тузазы чох хала парча.

Матфей 13:40

Хайди пуртах оттарны, чыып, ӧртепчелер, амғы тус тоозылчатса, сах іди полар.

1 Коринфтегілерге 10:11

Анзы оларға, піске кӧзідім полып, тӱскен. Піске, тізең, тӱгенҷі чылларға читкеннерге, сағыс алынарыбыс ӱчӱн пазыл парған.

Еврейлерге 1:2

Пу халғанҷы кӱннерде, тізең, Ол піске Оолғының пастыра чоохтаан. Худай Оолғын прай нименің ээзі полар тіп чарат салған паза Аның пастыра тилекейні чайап салған.