Матфей 11:28 - Наа Молҷағ

²⁸ Киліңер Минзер прайзыңар, істенчеткеннер паза аар чӱктіглер, Мин сірерге тынағ пирербін.

Матфей 11:28 Referans Kwoze

Матфей 11:29

Мин нымзах паза пазымнығ чӱректігбін, аннаңар, Минің чӱгімні постарыңа артынып, Миннең ӱгреніңер, іди сірер тынағ табарзар.

Иоанн 7:37

Пайрамның халғанҷы паза иң илбек кӱнінде Иисус, тура хонып, тыыда чоохтанған: – Сухсапчатхан кізі, Минзер киліп, іссін.

Иоанн 6:37

Пабамның Мағаа пирчеткен кізілері прайзы Минзер килерлер. Минзер килчеткен кізіні Позымнаң хыйа сӱрбеспін.

Галат чиріндегілерге 5:1

Христос пирген пос чуртасха пик тудыныңар. Хул чуртазына пазох хатап пазындырбаңар.

Азых чоох 22:17

Худай Худы паза ирге парчатхан хыс тіпчелер: – Кил! Мыны искен кізі, ідӧк тізін: – Кил! Сухсапчатхан кізі килзін. Ізері килчеткен кізі чуртас пирчеткен суғны тикке алзын!

Матфей 23:4

Олар кізілерге аар паза апарарға сидік чӱктерні артыбысчалар, постары, тізең, оларға салааларынаң даа теңерге хынминчалар.

Еврейлерге 4:1

Худай піске тынағ пирерін молҷаан. Аннаңар, піреелерің аны ал полбин халбас ӱчӱн, сизіктіг полыңар.

Илҷілернің 15:10

Амды ноға сірер Худайны сынапчазар? Ӱгренҷілернің мойныларына пістің ӧбекелерібіс тее паза піс тее апар полбаан чӱкті сал пирерге кӱстенчезер?

Илҷілернің 20:35

Мына піди піске, кӱстеніп тоғынып, кӱс чохтарға полызарға паза Иисус Хан-пигібістің сӧстерін ундубасха кирек полчатханын мин сірерге прай нименең кӧзіткем. Ол Позы даа тіҷең нимес пе зе: «Пирчеткені алчатханынаң часкалығ».