Матфей 11:16 - Наа Молҷағ

^16-17 Кемге тӧӧйлим Мин пу тӧлні? Тасхар одырып алып, арғыстарына «Піс сірерге хобырахнаң ойнаабыс, че сірер плесет салбаазар. Піс сірерге хомзыныстығ сарыннар сарнаабыс, че сірер ылғаспаазар» тіп, хысхырчатхан олғаннарға тӧӧйлер.

Матфей 11:16 Referans Kwoze

Лука 13:18

Иисус, тізең, чоохтанған: – Нимее тӧӧйдір Худай хан-чирі? Нименең Аны тиңнестірим?

Марк 4:30

Анаң ол чоохтаан: – Худай хан-чирін нимее тӧӧйлирбіс? Алай хайдағ кип-чоохнаң кӧзіт саларбыс аны?

Матфей 23:36

Сынны сірерге тіпчем, прай пыро пу тӧлге тӱзер. –

Матфей 12:34

Чылан палалары! Хайди сірер, постарың чабал полчадып, чахсы нимедеңер чоохтас полчазар? Кізінің істінде ниме кӧп, анзы тілінең сыхча.

Матфей 24:34

Сынны чоохтапчам сірерге, прай пу ниме амғы тӧл ӱзілгелеккеӧк полар.

Матфей 11:15

Хулаа пар кізі иссін!

Матфей 23:7

Орыхта алай чон кӧп чирлерде, олар кізілерге улуғлап удурладарға паза «Ӱгретчі! Ӱгретчі!» тіп адаттырарға хынадырлар.

Марк 12:38

Позының ӱгредиинде Ол ідӧк чоохтаан: – Моисей Чахии пілігҷілерінең китеніңер. Узун киптеріне чазан салып, чон кӧп чирлерде чӧріп, постарын алғыстаснаң удурладарға хынчалар.

Лука 11:43

Хыйал сірерге, фарисейлер! Синагогаларда алнында одырарға паза кӧп чон чыылған чирлерде улуғладып удурладарға хынадырзар.