Матфей 11:12 - Наа Молҷағ

¹² Кіреске тӱзірҷең Иоанның кӱннерінең сығара амға теере Тигір хан-чирінең тоғыр чааласчалар. Аны кӱстіглер холға алып аларға харасчалар.

Матфей 11:12 Referans Kwoze

Лука 16:16

Моисей Чахии паза ухаанҷыларның пічіктері кіреске тӱзірҷең Иоанның тузына читіре чӧргеннер. Ана ол тустаң пеер Худай хан-чирінеңер искірілче, полғаны ла андар кӱстеніп кірче.

Лука 13:24

Сірер тар ізіктерҷе иртерге кӱстеніңер. Тіпчем сірерге, кӧп кізі кірерге харазар, че полынмастар.

Филипптегілерге 2:12

Сірер дее, хынғаннарым, чоох истеечі поларға кирексер. Итсе, хада полғанымда, чоох исчең полғазар. Че сағам даа, мин сірернең хада ниместе, уламох чоох истеечі полыңар, хорығып, халтырап ала, арачыланысха чидіңер.

Иоанн 6:27

Сірер ардап парчатхан чиис ӱчӱн нимес, че мӧгі чуртас пирчеткен чиис ӱчӱн тоғынарға кӱстеніңер. Кізі Оолғы, Ағаа Худай-Пабазы ӱлгӱ пиргеннеңер, ол чиисті сірерге пир полар. –

Матфей 3:15

Че Иисус ағаа нандырған: – Сағам піди ползын. Худай пістең сағыпчатхан прай орта киректерні толдыр саларға кирекпіс. Андада Иоанн ідӧк чарат салған.

Матфей 11:11

Сынны сірерге чоохтапчам, чир ӱстӱне тӧрееннернің аразында Кіреске тӱзірҷең Иоаннаң улуғ кізі чох полған, че Тигір хан-чирінің иң кічии дее аннаң улуғ.

Матфей 11:13

Тигір хан-чирінеңер Иоанның алнындох прай ухаанҷылар чоохтааннар, Моисей Чахиинда даа аннаңар пазылған.