Матфей 10:41 - Наа Молҷағ

⁴¹ Кем ухаанҷыны ухаанҷы тіп удурлапча, ол ухаанҷыни осхас сыйых алар. Кем, арығ чӱректіг кізіні арығ чӱректіг кізі тіп, удурлапча, ол арығ чӱректіг кізіни осхас сыйых алар.

Матфей 10:41 Referans Kwoze

Еврейлерге 6:10

Худай саба идер чоғыл. Ол сірернің хайди тоғынғаннарыңны паза Позына хайди хынғаннарыңны ундутпас. Сірер Худайға хынчатханнаңар, пасха ах-арығ кізілерге полысхазар паза полысчазар нооза.

2 Иоанның 1:8

Ниме ӱчӱн тоғынғабыс, аны чідірбин, Худайның сыйиин прай алып алар ӱчӱн, постарыңны сиргек тудыныңар.

1 Коринфтегілерге 9:17

Мин аны позымның кӧңнімҷе итчеткенімде, сыйых полар мағаа. Позымның кӧңнімҷе итпинчетсем, тізең, мағаа пирілген чӧрінізімні толдырчам нооза.

Матфей 16:27

Кізі Оолғы Позының Пабазының сабланызында паза Аның ангеллерінең хада килер. Андада полғанына ла иткен киректері хоостыра пирер.

Матфей 6:18

Ораза тудып, син кізілернің алнында нимес, че кӧрінминчеткен, синнең хада полчатхан Пабаңның алнында турарзың. Синің чазыдыңны кӧрчеткен Пабаң сағаа кӧріндіре сыйых пирер. –

Римдегілерге 16:23

Мағаа паза прай тигірибге ибінде орын пирген Гаий ідӧк сірерге изен читірче. Ераст, саарның ахчазын тутчатхан кізі, паза Кварт харындас изен читірчелер.

Матфей 6:6

Син, тізең, пазырчатсаң, тураңа кіріп, ізииң чаап салып, кӧрінминчеткен, че синнең хада полчатхан Пабаңа пазырып ал. Пабаң, тізең, пілдіртпес иде иткеніңні кӧріп, прайзының кӧзіне сағаа сыйых пирер.

Илҷілернің 16:15

Лидий, ибдегілерінең хада кіреске тӱскен соонда, теен: – Мині Хан Худайның сын кізізі тіп сағынчатсаңар, турамзар кіріп, минде чуртап алыңар. Іди ол пісті чӧптеп алған.

Матфей 6:4

Чох кізілерге чахсы итчеткенің кізее пілдіртпес ползын. Пабаң, тізең, кізее пілдіртпин иткеніңні кӧріп, сағаа прайзының кӧзіне сыйых пирер. –

Матфей 6:1

Кӧріңер! Чахсы киректерні, сірерні кӧрзіннер тіп, кізілер кӧзіне ле итпеңер. Іди итсер, Тигірдегі Пабаңардаң сірерге сыйых киліспес.

Матфей 25:44

Андада олар, Ағаа нандырып, тирлер: «Хан-пигібіс! Хаҷан піс, Синің астапчатханыңны алай сухсапчатханыңны, алай хонҷаң чир чох чӧрчеткеніңні, алай кип-азах чох полғаныңны, алай ағырчатханыңны, алай харибде одырчатханыңны кӧріп, Сағаа полыспаабыс?»

Матфей 25:45

Андада Ол нандырар оларға: «Сынны сірерге тіпчем, Минің пу кічіг харындастарымның піреезіне итпеен чахсы нимені Мағаа даа итпеенге саналар».