28 Сірерні ӧдірчеткен, че худыңарны ӧдір полбинчатхан кізідең хорыхпаңар. Че Кем сірерні дее, кӧңніңерні дее кӧйчеткен кӧлде чох идер, Анзынаң тың хорығыңар.
Сірерге тӱзер хыйаллардаң хорыхпаңар. Кӧрерзер, сайтан, сірерні сыныхтирға тіп, хай піреелеріңні харибге чаап салар. Сірер он кӱн ирееленерзер. ӧдірттеечетсер, Мағаа киртінерін тастабаңар, анаң Мин сірерге чуртастың сабланыс таниин – веногын, пирербін.
Арачылап полар алай чох ит салар Чахығ ээзі паза Чарғыҷы чалғыс ла. Син чи, пасхаларын ӱзӱрчеткен, кемзің?
Че сын нименің ӱчӱн ирее кӧрчетсеңер, сірер часкалығзар. Олар хорыхчатхан нимедең хорыхпаңар паза сағыссырабаңар.
Анаң мыннары тоозылбас хатығ чарғаа ызыларлар, арығ чӱректіг кізілер, тізең, мӧгі чуртассар парарлар.
Тіріг Худайның холына кір парары хорғыстығ.
Чазырған нимелернің пірдеезі азылбин пола чоғыл; пасхалары піл салбас чазыт таа пола чоғыл; аннаңар сірерні сӱрчеткеннердең хорыхпаңар.
Ипчілер Худайға киртін парып, ӧл парған туған-чағыннарын тіріг айландырып алҷаңнар. Пасхалары, постарын харибдең позыдарынаң тоғыр саап, ирееледіп, тоозылғаннар. Олар, артых чуртасха тірілдірерлеріне ізеніп, іди иткеннер.
Че Павел, піске нандырып, теен: – Ниме итчезер сірер? Ноға ылғап, чӱреемні хомзындырчазар? Мин Иерусалимде харибге ле кірерге нимес, че Иисус Хан-пигібістің ады ӱчӱн ӧл парарға даа тимдебін.
Тіпчем сірерге, позының харындазына тиктең чабалланчатхан полған на кізі чарғыладарға кирек. Кем харындазын «нимее чарабаан» тир, ол Ӧӧркі чарғыда чарғыладар. Кем харындазын «алығзың» тир, ол кӧйчеткен кӧлзер тастаттырарға чарғыладар.
Чахсы ниме иткеннері чуртирға тірілерлер, че хомай ниме иткеннері чарғыладарға тур килерлер.