Матфей 10:27 - Наа Молҷағ

²⁷ Мин харасхыда сірерге чоохтапчатхан нимені кӱн чариинда искіріңер, хулахха сыбыхтапчатхан нимені тура хырларынаң ӱгредіңер.

Матфей 10:27 Referans Kwoze

Илҷілернің 5:20

Парып, храмда турып, кізілерге наа чуртастың прай сӧстерін чоохтаңар.

Иоанн 16:13

Сынны чоохтапчатхан Хут, киліп, сірерні сын нимее ӱгредер. Ол чоохтир ниме аның позының сағызынаң полбас, Худайдаң искен нимені паза полар нимедеңер сірерге чоохтап пирер.

Иоанн 16:1

Мин мыны сірерге ікінҷілеске пастырбазыннар тіп чоохтадым.

Илҷілернің 5:28

Иисустың адынаң кізілерні ӱгредерге чарабас тіп, сірерні хатығлаабыс нимес пе зе? Че сірер ӱгредииңерні прай Иерусалимге тарат парчазар, Ол Кізінің тӧгілген ханын, тізең, піске найнирға итчезер.

Иоанн 16:29

Ӱгренҷілері Иисусха тееннер: – Амды Син, кип-чоохтарнаң чоохтабин, кӧні чоохтапчазың.

Иоанн 16:25

Амға теере Мин сірернең кип-чоохтарнаң чоохтасхам, амды, тізең, Пабамнаңар кип-чоохтарнаң нимес, че кӧні чоохтир тузым чағдапча.

Лука 8:10

Иисус піди нандырған: – Сірерге Худай хан-чирінің чазыттарын пілерге пирілген, пасхаларына, тізең, кип-чоохтар ла пирілген. Аннаңар олар, кӧрзе дее, кӧрбинчелер, иссе дее, піл полбинчалар.

2 Коринфтегілерге 3:12

Пістің андағ ізеніс парда, чалтанмас тідініснең тудынчабыс.

Илҷілернің 17:17

Аннаңар ол синагогада иудейлернең, Худайны улуғлапчатхан гректернең паза кӱннің сай тасхар тоғасхан кізілернең чоох апарған.

Матфей 24:17

тура хырындағы кізі ибінзер, пірее ниме аларға тіп, кірбезін,

Лука 12:3

Аннаңар харасхыда чоохтаан нимелерің чарыхта истіл пар турар. Тура істінде хулахха сыбыхтап чоохтаан ниме тура хырынаң чарлалар.