Матфей 10:2 - Наа Молҷағ

² Мына ол он ікі илҷінің ады: пастағызы Пётр тіп ады-солалығ Симон, анаң аның харындазы Андрей; Зеведейнің ооллары Иаковнаң Иоанн харындастар.

Матфей 10:2 Referans Kwoze

Илҷілернің 1:13

Пётрнаң Иаков, Иоаннаң Андрей, Филиппнең Фома, Варфоломейнең Матфей, Алфейнің Иаков оолғынаң Симон Зилот паза Иаковтың харындазы Иуда айлан киліп, ӱстӱндегі хадылзар кіріп, анда халғаннар.

Матфей 4:21

Аннаң андар парчадып, Иисус Зеведейнің оолларын Иаковнаң Иоанны кӧр салған. Олар, Зеведейнең кимеде одырып, сӧзірбелерін тағырапчатханнар. Иисус Зеведейнің оолларын даа хығырып алған.

Иоанн 12:22

Пу нимедеңер Филипп, парып, Андрейге чоохтап пирген. Анаң Андрейнең Филипп ол сурынысты Иисусха читіргеннер. –

Иоанн 6:8

Аның ӱгренҷілерінің паза пірсі, Симон-Пётрның Андрей харындазы, Иисусха чоохтаан: –

Лука 5:10

Симонның хада тоғынчатхан арғыстары – Зеведейнің ооллары Иаковнаң Иоанн – даа ӱрӱк парғаннар. Андада Иисус Симонға теен: – Хорыхпа, мыннаң мындар син пуох оңдайнаң кізілерні тударзың.

Матфей 4:18

Пірсінде Иисус, Галилей кӧлі хазынҷа парчадып, ікі харындасты кӧр салған. Пётр тіп ады-солалығ Симон паза аның харындазы Андрей сӧзірбелерін кӧлзер тастапчатханнар. Олар палыхчылар полғаннар.

Лука 11:49

Ана аннаңар Худайның кӱлӱк сағызы піди теен: «Мин оларзар ухаанҷыларны паза илҷілерні ызарбын; олар, тізең, хай піреелерін ӧдіріп, пасхаларын сӱрерлер».

Азых чоох 1:9

Мин, Иоанн, сірернің харындазыңарбын, Иисус Христосха киртініп, Худайның ӱлгӱзі алтында, чобағларда паза сыдазығда сірернең хадабын. Худай сӧзінеңер паза Иисус Христостаңар киречілеенім ӱчӱн, Патмос олтырыхта ызығда полғам.

2 Иоанның 1:1

Мин, Ах сағал, Худай таллап алған Іҷее паза аның палаларына чолабит ысчам. Мин сірерге сыннаң хынчам, мин не нимес, че Сынны пілчеткен прай кізілер сірерге хынчалар.

2 Петрның 1:1

Сірерге, пісти осхас аарлығ киртіністері пар кізілерге, Иисус Христостың нымысчызы паза илҷізі мин, Симон Пётр, пасчам. Орта нимее хынчатхан Худайыбыс паза Арачылағҷыбыс Иисус Христос пу киртіністі сірерге пирген.

1 Петрның 1:1

Мин, Иисус Христостың илҷізі Пётр, сірерге, иблерінең ырах – Понт, Галат, Каппадок, Асий паза Вифиний чирлерінҷе – тарасхлап парып чӧрчеткен, Худайның таллаан кізілеріне, пасчам.

Еврейлерге 3:1

Ах-арығ харындастар, пісті дее Худай тигірзер хығыртхан! Худай пістің киртінізібістің иң улуғ Абызы поларға тіп ысхан Иисустаңар сағынчадыңар.

Ефестегілерге 4:11

Кем «кізілерге сыйыхтар пирген», Олох піреелерін илҷілер, піреелерін ухаанҷылар, піреелерін Чахсы Хабарның тарадығҷылары, піреелерін киртінчеткеннернің хадарҷылары, піреелерін ӱгретчілер ит салған.

1 Коринфтегілерге 15:7

Анаң Иаков, ідӧк прай илҷілер Аны кӧр салғаннар.

Илҷілернің 12:2

Ол Иоанның харындазын Иаковты хылыснаң ӧдірібіскен.

Илҷілернің 3:1

Пірсінде Пётрнаң Иоанн тоғыс часта, пазырҷаң туста, храмзар парчатханнар.

Илҷілернің 1:26

Ӱлӱс тастаанда, ӱлӱс Матфийге тӱс парған, андада аны он пір Илҷінің санына хосханнар.

Иоанн 21:24

Ана ол ӱгренҷі, прай пу нимелердеңер чоохтап, пу киндені пас салған. Ол чоохтаан нимелернің сын полчатханын піс пілчебіс.

Иоанн 21:20

Пётр, тізең, соонзар айланып, постарының соонҷа Иисустың хынҷаң ӱгренҷізі килчеткенін кӧр салған. Ол хаҷан-да, иирде азыранчадып, Иисусха чағын одырып, «Иисус пиг, Сині кем садыбызар?» тіп сурған полған.

Иоанн 21:2

Симон-Пётр, Ікіс тіп солалығ Фома, Галилей чиріндегі Кана аалдаң Нафанаил, Зеведейнің ікі оолғы паза олардаң пасха Иисустың ікі ӱгренҷізі прайлары хада анда чыылыс парғаннар. –

Иоанн 20:2

Мария, Симон-Пётрзар паза Иисустың хынҷаң ӱгренҷізінзер чӱгӱр парып, теен: – Хан-пигібістің сӧӧгін хуюдаң кемнер-де апарыбыстырлар, хайдар иткеннерін, тізең, пілбинчебіс.

Иоанн 13:23

Иисустың хынчатхан ӱгренҷізі Аннаң хости одырған.

Лука 22:14

Тузы читкенде, Иисус он ікі илҷізінең хада азыранарға одырған.

Лука 22:8

Иисус, Пётрнаң Иоанны ызып, теен: – Парып, піске Па́сханың чиизін тимнеп салыңар. –

Лука 9:10

Илҷілер, айлан киліп, иткен нимелерінеңер Иисусха прай чоохтап пиргеннер. Иисус, оларны Позынаң хада алып, Вифсаида саарның хыриндағы ээн чирзер парыбысхан.

Марк 13:3

Хаҷан храмнаң тоғыра Елеон тағда одырчатханнарында, тізең, Пётр, Иаков, Иоанн паза Андрей, ағылахти халып, Аннаң сурғаннар: –

Марк 1:29

Аның соонаң олар, Иаковнаң паза Иоаннаң хада синагогадаң сығып, Симоннаң Андрейнің ибіне килгеннер.

Матфей 26:37

Анаң, Пётрны паза Зеведейнің ікі оолғын Позынаң хада апарып, илеп-чобал сыххан. –

Матфей 20:20

Соонаң Аныңзар Зеведейнің ипчізі, оолларынаң хада пастыр киліп, мӧкейіп ала пазырып, Иисустаң ниме-де сурынған. –

Матфей 17:1

Алты кӱн пазынаң Иисус, Пётрны, Иаковты паза аның харындазы Иоанны, позынаң хада алып, пӧзік тағзар апарған. Анда олардаң пасха кізі чох полған.

Азых чоох 22:8

Мин, Иоанн, мыны кӧргем паза искем. Истіп, кӧріп алып, пу нимені кӧзітчеткен ангелге пазырарға тіп, аның азағына тӱскем.

Азых чоох 1:1

Пу – Иисус Христос асхан азых чоох. Аны Худай, тӱрчедең ниме пол парарын Позының нымысчыларына кӧзіт пирзін тіп, Иисус Христосха пирген. Иисус Христос, пу азых чоохты ангелі пастыра Позының нымысчызына, Иоаннға, ызып, кӧзіт пирген.

3 Иоанның 1:1

Мин, Ах сағал, сағаа, аарлығ Гаий, улуғ чолабит ысчам. Син сыннаң минің прай чӱреемнең хынчатхан кізімзің.

Азых чоох 18:20

Пу саарның ӧлгеніне ӧрініңер тигірдегілер, Худайның илҷілері, ухаанҷылар! Ол саар сірерге хомай иткен ӱчӱн, Худай ағаа чарғызын читірді!

Марк 6:30

Иисустың илҷілері, чӧрген чирлерінең айланып, Аныңзар чыылыс килгеннер. Олар ниме иткеннерін паза хайди ӱгреткеннерін прай Ағаа чоохтағлааннар.

Иоанн 6:67

Иисус он ікі ӱгренҷізінең сурған: – Сірер чи Миннең хыйа поларға сағынминчазар ба?

Иоанн 6:70

Мин сірерні, он ікі ӱгренҷіні, таллап, алғаам нимес пе зе? Че сірернің пірсі сайтанның нымысчызы, – нандырған Иисус.

Иоанн 6:71

Іди Ол Симон Искариоттың Иуда оолғынаңар чоохтаан. Иуда, он ікі ӱгренҷінің пірсі, Иисусты садыбызарға иткен.