Марк 9:32 - Наа Молҷағ

³² Че ӱгренҷілері Аны оңар полбааннар, сурарға, тізең, тідінмееннер.

Марк 9:32 Referans Kwoze

Лука 18:34

Че ӱгренҷілері ол нимелернің пірдеезін піл полбааннар; пу сӧстер пілдізі чох полған оларға, чоохтаан нимені, тізең, оңар полбааннар.

Лука 9:45

Че ӱгренҷілері Аны оңар полбааннар, Аның чазыт сағызы пілдістіг нимес полған. Иисустаң сурарға, тізең, тідінмееннер.

Лука 2:50

Че олар Иисустың чоохтанған сӧстерін піл полбааннар.

Иоанн 16:19

Иисус, оларның ниме сурарға итчеткеннерін кӧріп, чоохтаан: – «Тӱрче полза, сірер Мині кӧрбессер, че соонаң Мині пазох кӧрерзер» тіп чоохтанчатханымнаңар удур-тӧдір сурастырғласчазар ба?

Иоанн 12:16

Пастап ӱгренҷілері, ниме полчатханын піл полбааннар, че соонаң, Иисус, тіріліп, сабланызына читкенде ле, Иисустаңар пазылған нимені паза ол сӧстернің толғанын сағысха киргеннер.

Марк 9:10

Ӱгренҷілері кізее таратпааннар, че пос аразында ӱзӱріп, чоохтасханнар: – Ӧлім соонда тіріл килер теені ниме полҷаң?

Иоанн 4:27

Іди теен туста, Аның ӱгренҷілері нандыра айлан килгеннер. Иисустың ипчінең чоохтасчатханына таңнап парғаннар. Че оларның пірдеезі «Сағаа пу ипчідең пірее ниме кирек пе?» алай «Ноға Син пу ипчінең чоохтасчазың?» тіп сурбаан Иисустаң.

Лука 24:45

Анаң Худай Пічиинде пазылған нимелердеңер оңарылдыра чарыт пиріп,

Марк 16:14

Паза полбаанда, Ол иирдегізін азыранчатхан он пір ӱгренҷізінзер килген. Олар Аның тірілгенін кӧргенге киртінмееннері ӱчӱн, хатығ чӱректіглерінеңер паза киртіс чохтарынаңар оларны хызааннаан.

Марк 8:33

Иисус, тізең, хайбағыныбызып, ӱгренҷілеріне кӧріп ала, Пётрны тығырған: – Аар пар Миннең, сайтан. Син Худайнин сағынминчазың, кізі синҷе сағыстығзың.

Марк 7:18

Иисус оларға теен: – Нӧӧс сірер дее піл полбинчазар? Нӧӧс оңар полбинчазар: тастынаң кірген ниме кізіні пір дее кірлебинчеткенін?