Марк 6:11 - Наа Молҷағ

¹¹ Пірее чирде сірерні удурлирға алай истерге хынмазалар, ол турадаң сығып, азахтарыңнаң тозынны хахтабыс турыңар. Анзы олардаң тоғыр киречілир. Сынны чоохтапчам сірерге: тӱгенҷі кӱн чарғызында Содом паза Гоморраа пу саардаң хай-хай артых полар.

Марк 6:11 Referans Kwoze

Илҷілернің 18:6

Иудейлер, тізең, ағаа тоғырланып, чабал чоохтан сыхханнарында, Павел, кип-азаан хахтабызып, оларға теен: – Сірерге урунған ниме ӱчӱн постарың нандырығ тударзар. Мин арығбын. Амды мин пасха чоннарзар парарбын.

Иуданың 1:7

Содомнаң Гоморраны паза оларнаң хости турған саарларны сағысха киріңер. Андағы чуртағҷыларның, пудурғы ангеллерниӧк чіли, оңдайлары ардап парған. Олар чӧреес паза ойнас хылыхтарына салын сыхханнар. Худай, пасхаларына кӧзідім идіп, оларны успас отха тастаан.

1 Иоанның 4:17

Чарғы кӱнінде хорыхпас ползыннар тіп, хыныс пісте пӧзиине чит парған. Пістің дее чуртазыбыс пу чир ӱстӱнде Иисусти осхас нооза.

2 Петрның 3:7

Хан Худайның чахии хоостыра пӱӱнгі тигірнең чир от-чалыннаң чох иділер ӱчӱн хайраллалча. Ол чарғы кӱнінде, Хан Худайны улуғлабинчатхан кізілерні чох итчең кӱнде, полар.

2 Петрның 2:9

Пу кирек Худайны улуғлапчатхан кізілерні Хан Худай хыҷыхтаныстаң арачылирға пілчеткенін кӧзітче. Ол, хомай кізілерні хатығлап, чарғы кӱніне хайди ағыларын даа пілче.

2 Петрның 2:6

Худай ідӧк Содомнаң Гоморра саарларны чох иткен: оларны ойба-кӱлге айландыр салған. Ол оңдайнаң Худай Позын улуғлабинчатхан чонны ниме сағыпчатханын кӧзіткен.

Римдегілерге 2:16

Ідӧк Худай кізілернің чазыт киректерін Иисус Христостың пастыра чарғылир кӱнде полар. Анзынаңар мин чарлаан Чахсы Хабарда чоохталча.

Римдегілерге 2:5

Че ӧчес хылииң, аасхынмас чӱреең ӱчӱн, Худайның ӧкпезі чидер паза Аның орта чарғызы іле кӧзіділер кӱніне позың позыңа ол ӧкпені чыынып одырчазың.

Лука 9:5

Че пірее чирге сірерні кирбезелер, ол саардаң парчадып, азахтарыңдағы тозынны андох хахтабыс турыңар, анзы андағларға сизіндіріг ползын.

Матфей 12:36

Тіпчем сірерге, полған на алас-улас сӧс ӱчӱн кізілер чарғы кӱнінде нандырарлар.

Марк 6:10

Піди теен Ол ӱгренҷілеріне: – Пірее тураа кірзеңер, ол чирдең сыхханҷа, андох орнығыңар.