Марк 4:40 - Наа Молҷағ

⁴⁰ Иисус ӱгренҷілерінең сурған: – Ноға сірер хорыхчазар? Ноға киртінминчезер?

Марк 4:40 Referans Kwoze

Лука 8:25

Андада Иисус оларға теен: – Хайдадыр сірернің киртіністерің? Ӱгренҷілері, таңнап, хорых парып, удур-тӧдір сурастырғаннар: – Кемдір Ол андағ, чилге дее, салғахтарға даа чахығлар пирчеткен? Анзылары, тізең, Аның чахиин исчелер?

Матфей 8:26

Ноға іди тың хорых пардар? Киртіністерің пу ла син ме? – нандырған Иисус. Анаң тур киліп, чилнең кӧлні тызып, амырирға чоохтаан. Сах андох ап-амыр пол парыбысхан.

Матфей 14:31

Сах андох Иисус, холын андар сунып, аны тудып алып, теен ағаа: – Киртінізі ас кізі! Ноға ікінҷілебіскезің?

Матфей 16:8

Иисус нимедеңер чоохтасчатханнарын пілген, аннаңар оларға теен: – Ноға сірер, ас киртіністіглер, халас албааннаңар постарың аразында чоохтазып одырчазар?

Матфей 6:30

Худай, пӱӱнгі кӱнде пар, че таңда песке тасталчаң отты даа піди тонандырчатса, сірерні олардаң артых тонандыр полбас па ни? Сірернің киртіністерің уғаа ас!

Марк 4:41

Олар, тізең, тың ӱрӱк парып, пос аразында чоохтасханнар: – Чил дее, кӧл дее Аның сӧзін исчеткенде, кем полҷаңдыр ол андағ?