Марк 3:9 - Наа Молҷағ

⁹ Иисус, ол чонға хыстырбасха тіп, ӱгренҷілеріне Позына киме тимнеп саларға чахаан.

Марк 3:9 Referans Kwoze

Иоанн 6:15

Иисус кізілернің Позын, тудып алып, кӱснең иудейлернің ханы идерге итчеткеннерін піл салып, хатап тағларзар чалғызан парыбысхан.

Марк 5:30

Андадох Иисус, Позынаң кӱс сыхханын сизін салып, чонға айланып, сурған: – Кем минің кип-азаама теңді?

Матфей 15:39

Иисус, чонны позыдып, кимее одырыбызып, Магдала чирінзер читкен.

Марк 4:1

Иисус пазох кӧл хазында кізілерні ӱгрет пастаан. Аныңзар чон сӱрееліг чыыл парғаннаңар, Ол кӧлдегі кимеде одырған, кізілер, тізең, суғ хазында полғаннар.

Марк 4:36

Олар, чонны позыдыбызып, кимеде одырған Иисуснаң хадох парғаннар. Оларнаң хада пасха даа кимелер полғаннар.

Марк 5:2

Иисус кимедең тӱс килгенде, олох арада Ағаа удур хуюдағы сыыраттардаң чабал хут кірген кізі чағдаан.

Марк 6:32

Иисус ӱгренҷілерінең хада, кимее постары ла одырып, кізі чох чирге парғаннар.

Лука 5:1

Пірсінде Иисус Галилей чиріндегі Геннисарет кӧлнің хазында турчатхан. Кізілер, тізең, Худай сӧзін истерге тіп, Аннаң ибіре хыстынысханнар.

Лука 5:3

Иисус, пір кимее сығып алып, анзы Симонни полған, чардаң оортах арах чӱс парыбызарға сурынған, анаң, одырып алып, чонны кимедең ӱгреткен.