Марк 3:8 - Наа Молҷағ

⁸ Иерусалимнең, Идумей чирінең паза Иордан суғның озаринаң, Тир, Сидон саарлар ибіре чуртапчатхан кӧп кізі парған, Иисустың иткен киректерін истіп, Аныңзар чон сӱрееліг чыылысхан.

Марк 3:8 Referans Kwoze

Матфей 11:21

Хыйал сағаа Хоразин! Хыйал сағаа Вифсаида! Сірерде иділген хайхастар Тирде паза Сидонда, Худайы чохтарның саарларында, иділген ползалар, олар хаҷанох, киден кип-азах кизіп, пастарына кӱл чайып, чазыхтарынаң хыйа полып, Худайзар айланарҷыхтар.

Марк 7:24

Аннаң парып, Иисус Тир паза Сидон чирлерінзер читкен. Ол, тураа кіргенде, Позын таныбазыннар тіп сағынған, че чазын полбаан.

Марк 7:31

Тир паза Сидон чирлерінең сығып, Иисус, Он саар чирін тобыра пазох Галилей кӧлзер пар сыххан.

Матфей 4:25

Галилей чирінең паза Он саар чирінең, Иерусалимнең паза Иудей чирінең, Иордан суғның озаринаң даа кӧп кізі Аның соонҷа пар сыххан.

Лука 6:17

Оларнаң хада тағдаң ин киліп, Иисус пір тӱс чирде турыбысхан. Кӧп ӱгренҷілері паза Иудей чирінең, Иерусалимнең, талай хазындағы Тир паза Сидон саарлардаң даа илееде кӧп кізі мында турыбысхан.