Марк 2:16 - Наа Молҷағ

¹⁶ Моисей Чахии пілігҷілері паза фарисейлер, Иисусты албан чығҷаңнарнаң паза чазыхтығларнаң хада азыранчатханын кӧр салып, Аның ӱгренҷілеріне чоохтанғаннар: – Ноға ол іди албан чығҷаңнарнаң паза чазыхтығларнаң хада азыран чӧрче?

Марк 2:16 Referans Kwoze

Лука 19:10

Кізі Оолғы, чіткенін таап, арачылирға килген.

Лука 18:11

Фарисей, турып алып, позы алынҷа піди пазырған: «Худай! Пасха кізілер осхас тонағҷы, хыйыхтағҷы, кізінең чӧреечі алай албан чығҷаң пу кізі осхас полбинчатханым ӱчӱн, алғыстапчам Сині.

1 Коринфтегілерге 2:15

Че Худай Худы пар кізі прай нимені ӱзӱр полар. Аны за пірдеезі ӱзӱр полбас.

Илҷілернің 23:9

Улуғ суум-саам полыбысхан. Фарисейлер саринаң Моисей Чахии пілігҷілері, тура хонып, тартыс сыхханнар: – Пу кізінің хомай ниме иткенін пір дее кӧр таппинчабыс. Хут алай Ангел анынаң чоохтасхан полза, піс Худайдаң тоғыр полбаспыс.

Лука 19:7

Анзын кӧргеннернің прайзы, Иисусты чазыхтығ кізізер кірче тіп, тарығып чоохтасхлаан.

Еврейлерге 12:3

Ағаа нимені иртерге киліскенін сағысха алыңар. Чазыхтығ чонға хыйыхтадып, хайди ирееленген. Анзы сірерге, кӧңніңерні тӱзірбин, махачы тудынарға полыссын.

Матфей 18:17

Оларны даа испинчетсе, андада прай нимені тигіриб чонына чоохта. Тигіриб чонының дее сӧзін испинчетсе, син аны Худайы чох алай албан чығҷаң кізее сана.

Матфей 9:11

Фарисейлер, аны кӧріп, Иисустың ӱгренҷілеріне чоохтанғаннар: – Ноға сірернің Ӱгретчіңер албан чығҷаңнарнаң паза чазыхтығ кізілернең хада азыранча?

Матфей 5:46

Сірер позыңарға хынчатханнарға ла хынчатсар, Худай сірерге нименің ӱчӱн сыйых пирерге кирек? Албан чығҷаңнар даа ідӧк итчелер нимес пе зе?

Марк 2:15

Хаҷан Иисус Левийнің туразында азыранчатханда, Аннаң хада ӱгренҷілері дее, албан чығҷаңнар даа паза чазыхтығ илееде кізі азыранған. Олар кӧп полғаннар, прайзы Аны хооп чӧрген.

Лука 5:30

Моисей Чахии пілігҷілері паза фарисейлер, тізең, перінізіп, Иисустың ӱгренҷілеріне чоохтанғаннар: – Ноға сірер албан чығҷаңнарнаң паза чазыхтығ кізілернең хада, азыранып, ісчезер?