Марк 16:1 - Наа Молҷағ

¹ Суббота ирткенде, Мария Магдалина, Иаковтың іҷезі Мария паза Саломий Иисустың сӧӧгін сӱртклир чахсы чыстығ хайахтар садып алғаннар.

Марк 16:1 Referans Kwoze

Лука 23:56

Анаң, туразар айланып, тадылығ чыстығ хайахтар паза чухтар тимнееннер. Суббота кӱнде, чахығ хоостыра, пір дее ниме итпин, тынанғаннар.

Марк 15:40

Мындох ипчілер оортахтын кӧр турғаннар. Оларның аразында Мария Магдалина, Кічіг Иаков паза Иосий харындастарның іҷезі Мария паза Саломий полғаннар.

Иоанн 19:31

Ол кӱн пятница полғаннаңар, субботада, тізең, улуғ ӱлӱкӱн полып, иудейлер, кіреске хазаттыртханнарның сӧӧктерін суббота кӱнге халғыспасха тіп, Пилаттаң, оларның чодаларын сыы саап, кірестердең тӱзірерге сурынғаннар.

Иоанн 19:25

Иисустың кірезі хыринда Аның іҷезі, іҷезінің чаҷазы, ідӧк Клеопаның ипчізі Мария паза Мария Магдалина турғаннар.

Марк 16:8

Ипчілер, аннаң сығып, ӱрӱкеннеріне тітіреп ала, хуюдаң тис чӱгӱргеннер. Хорыхханнарына пірдеезіне пір дее ниме чоохтабааннар.

Марк 15:47

Мария Магдалина паза Иосийнің іҷезі Мария Иисусты хайада чығаннарын кӧргеннер.

Марк 14:8

Пу ипчі идер нимені ит салды. Мині чыырға тимнеп, азынада Мағаа аарлығ хайах сӱртті.

Марк 14:3

Иисус Вифанийде чызығ палығлығ Симон тіп аттығ кізінің туразында стол кистінде одырғанында, андар алавастр ідіс тудына пір ипчі кір килген. Ідізінде аның нард ӧзімінең сығарған аарлығ миро хайах полған. Ипчі, ідістің ахсын талап, Иисуссар пас киліп, хайахты пазына урған.

Лука 23:54

Ол кӱн пятница полған, суббота чидіп одырған.

Марк 15:42

Суббота кӱннің алнындағы пятница иирі пол килгеннеңер,

Марк 16:2

Субботаның таңдағызында, иртеезінӧк, олар кӱңӱр хайазар кӱн сығызында парып,

Лука 24:1

Неделяның пастағы кӱнінде иртен иртӧк ипчілер, азынада тимнеп салған тадылығ чыстығ хайахтарын тудына, Иисустың хомдызынзар читкеннер, оларнаң хада хай пірее кізілер полғаннарох.