Марк 15:15 - Наа Молҷағ

¹⁵ Андада Пилат, чонның кӧңнін алып, Варавваны позыдыбысхан, Иисусты, тізең, соғып, кіреске хазап саларға чахаан.

Марк 15:15 Referans Kwoze

Иоанн 19:1

Андада Пилат Иисусты хамҷынаң чыртарға чахығ пирібіскен.

Матфей 27:26

Андада пастых Варавваны позыдыбысхан. Иисусты, тізең, соғып, кіреске хазирға чарат салған.

Марк 10:34

Ағаа кӱлерлер, чаба тӱкӱрерлер, соғарлар анаң ӧдір саларлар. Че ӱзінҷі кӱнінде Ол тіріл парар.

1 Петрның 2:24

Пістің чазыхтарыбысты Ол Позының иді-ханынаң ӧӧре кӧдірібіскен паза кіреске хазатырт салған. Ол анзын пістің чазыхха ӧл парарыбыстың, орта чуртасха, тізең, айлан парарыбыстың ӱчӱн иткен. Аның палығлары сірерні чазылдыр салғаннар.

Иоанн 19:16

Андада Пилат оларға Иисусты кіреске хазирға пирібіскен. Иудейлер Иисусты хазирға апарғаннар.

Галат чиріндегілерге 1:19

Иаковтаң, Хан-пигнің харындазынаң, пасха илҷі кӧрбеем.

Илҷілернің 25:9

Фест, иудейлерге чахсы идерге кӱстеніп, Павелге теен: – Сині пу ниме хоостыра чарғылирым ӱчӱн, Иерусалимзер парарзың ма? –

Илҷілернің 24:27

Ікі чыл ирт парған соонда, Феликстің орнына Порций Фест тіп кізі пастых полыбысхан. Че Феликс иудейлерге чахсы ит пирерге полып, Павелні харибде халғыс салған.

Лука 18:33

Соғарлар Аны, анаң ӧдір саларлар. Че ӱзінҷі кӱнінде Ол тіріл килер.

Матфей 20:19

Худайы чохтарның холына, кӱлзіннер, сохсыннар паза кіреске хазазыннар тіп, пирібізерлер. Че ӱзінҷі кӱнінде Ол тіріл килер.

Марк 15:14

Хайдағ хомай ниме иткен ол? – теен оларға Пилат. Че кізілер улам тың хысхырғаннар: – Кіреске хазирға аны!

Лука 23:16

Аннаңар мин Аны, соғарға чахып, позыдыбызарбын.