Марк 13:27 - Наа Молҷағ

²⁷ Ол, тиксі-тилекейнің тӧрт саринзар – чир чағазынаң тигірнің ӱстӱ-хырина читіре – Позының ангеллерін ызып, Позының таллап алған кізілерін чыып алар.

Марк 13:27 Referans Kwoze

Матфей 24:31

Ол чирнің тӧрт пулиинзар Позының ангеллерін чоон табыстығ пырғылығ ызыбызар. Олар Аның таллап алған кізілерін тигірнің пір хыринаң пасха хырина теере чыып аларлар. –

2 Фессалониктегілерге 2:1

Амды, харындастар, Хан-пигібіс Иисус Христостың килерінеңер паза піс аныңзар чыылызарынаңар чоохтап пирерім килче.

Лука 16:22

Анаң ол чох кізі ӱреп парған, ангеллер, тізең, аны Авраамның хыринда одырт саларға апарыбысханнар. Пай даа ӱреп парған. Аны чыып салғаннар.

Марк 13:20

Хан Худай ол хорғыстығ кӱннерні хызырбаан полза, пір дее тіріг ниме арачылан полбасчых. Че Позы таллап алған кізілері ӱчӱн ол кӱннерні хызырған.

Матфей 13:41

Кізі Оолғы Позының ангеллерін ызыбызар, олар чазыхтарға сухханнарны паза чабал нимелер иткеннерні, Аның хан-чирінең чыып, ал парыбызарлар.

1 Петрның 1:2

Нимені азынада пӧгінчеткен Худай Паба сірерні, таллап, Худай Худы пастыра ах-арығ иткен. Іди Иисус Христостың сӧзі хоостыра полып, сірер Аның ханынаң арығлаларға таллалғазар. Худайның паарсазы паза амыры сірерде кӧптелзін.

2 Тимофейге 2:10

Аннаңар, талламалары Христос Иисуста арачыланыс табарлары паза мӧгі сабланысха кірерлері ӱчӱн, мин прай сидіктерні сыдас турбын.

Колоссадағыларға 3:12

Аннаңар, Худайның таллаан чоны чіли, ах-арығлар паза хыныстығлар чіли, килістіре тонаныбызыңар: кізее айаачы, чағбан хылыхтығ, пазымнығ, нымзах, тоозылбас тыстаныстығ пол парыңар.

Римдегілерге 8:33

Худай таллааннарны кем пыролир? Худай оларны ахтапча.

Иоанн 10:16

Минің пасха даа хойларым пар, олар пу хазаадаң ниместер. Оларны даа пеер ағыл килерге кирекпін. Олар даа Минің ӱнімні истерлер. Андада пір ӧӧр паза пір Хадарҷы полар.

Лука 18:7

Худай чи, хараа-кӱнӧрте Позынаң полыс пирерге сурынчатхан таллап алған кізілерінің алнына турбас па? Полызарға маңзырабас па?

Марк 13:22

Кӧп чой мессий-христостар паза чой ухаанҷылар сыға саларлар нооза. Худайның таллап алған кізілерін алаахтыр поларлар ба тіп, танығлар паза хайхастар идіп, кӧзідерлер.

Матфей 24:24

Кӧп чой мессий-христостар паза чой ухаанҷылар сыға саларлар нооза. Оңдай полза, олар, таллап алған кізілерні дее алаахтырып аларға полып, илбек танығлар паза хайхастар идерлер.

Матфей 24:22

Ол кӱннер хызырылбаан ползалар, пір дее тіріг ниме арачылан полбасчых, че таллап алған кізілер ӱчӱн андағ кӱннер хызырыларлар. –

Матфей 13:49

Тӱгенҷі тус килзе, ідӧк полар. Ангеллер, сығып, чабалларны, арығ чӱректіг кізілернің аразынаң таллап алып,

Матфей 12:42

Чарғы кӱнінде ӱстӱнзархы чирлердегі хан ипчі, пу тӧлнең хада турып, сірерні пыролир. Ол Соломонның хыйға сӧстерін чир хыринаң истерге килген нооза. Че Мында полчатхан ниме, тізең, Соломоннаң улуғ. –

Марк 13:28

Сірерге смоква ағазы кӧзідім ползын: аның салаалары, нымзап, пӱрлен сыхсалар, чайғы чидіп одырғанын пілчезер.