Марк 12:28 - Наа Молҷағ

²⁸ Оларның таласханнарын истіп, анда полған Моисей Чахии пілігҷілерінің пірсі, Иисустың іди чахсы нандырчатханын кӧріп, Иисустаң сурған: – Чахығларның хайзы иң улуғдыр?

Марк 12:28 Referans Kwoze

Лука 20:39

Ӱгретчі! Син маңат чоохтадың, – тееннер Моисей Чахии пілігҷілерінің хай піреезі.

Матфей 19:18

Андада ол оол сурған: – Хайдағ чахығларны? Иисус нандырған: – Ӧдірбе, оралыс чӧрбе, оғырлаба, чой киречілебе,

Матфей 5:19

Аннаңар кем пу чахығларны кӧмес тее сайбабысса паза пасхаларын іди идерге ӱгретсе, ол Тигір хан-чиріндегілернің иң кічиине саналар. Че кем, чахығларны прай толдырып, пасхаларын даа іди идерге ӱгретсе, ол Тигір хан-чиріндегілернің иң улиина саналар.

Лука 11:42

Че, хыйал сірерге, фарисейлер! Мятаның, рутаның паза пасха даа чир тамахтарының онынҷы чардығын Худайға пирчезер, че Худайның чарғызынаңар паза хынызынаңар ундуп салчазар. Сірер, анзын идіп, мынзын даа ундубасха кирексер.

Матфей 23:23

Хыйал сірерге, Моисей Чахии пілігҷілері паза фарисейлер! Чойырхостар! Сірер, мята, анис паза тмин ӧскіріп, Худайға онынҷы чардығын пирчезер, че Моисей Чахииның иң ӧӧн ӱгредиин – чарғыны, ӧлҷейні паза киртіністі – постарыңнаң хыйа тастапчазар. Сірер анзын идіп, мынзын даа ундубасха кирексер.

Марк 9:14

Анаң халған ӱгренҷілерінзер нандыра айланғаннарында, Иисус кӧрзе, ибіре чон чыылыс партыр, Аның ӱгренҷілері, тізең, Моисей Чахии пілігҷілерінең талас парчалар.