Марк 10:52 - Наа Молҷағ

⁵² Иисус ағаа чоохтанған: – Пар, киртінізің сині арачылады. Олох туста ол кізі кӧріп пастаан паза Иисустың соонҷа пар сыххан.

Марк 10:52 Referans Kwoze

Матфей 9:22

Иисус, айланып, аны кӧр салып, теен: – Хорыхпа хызым! Синің киртінізің сині арачылады. Ипчі ол тустаң сығара хазыхтан парған.

Лука 7:50

Киртінізің сині арачылады, амыр-хазыхнаң пар, – теен ол ипчее Иисус.

Марк 8:25

Иисус, пазох холын хараана салып, ағаа кӧрерге чахаан. Анзы, чазыл парып, ибіркіні чарых кӧр сыххан.

Марк 5:34

Иисус, тізең, теен ағаа: – Хызым! Киртінізің сині арачылады. Амыр-хазых чӧр, ағырииңнаң чазыл пар.

Иоанн 9:32

Харах чох тӧреен кізінің имненіп алғанынаңар, чир чайалғаннаң сығара, хаҷан даа пір дее кізі испеен полған.

Матфей 15:28

Андада Иисус ағаа нандырған: – Илбек полтыр киртінізің. Аннаңар сағаа синің кӧңніңҷе ползын. Сах андох ол ипчінің хызы хазыхтан парған.

Илҷілернің 26:18

Син оларға харахтарын ас пирерге кирексің: харасхыдаң чарыхсар, сайтан ӱлгӱзінең Худайзар айланар иде, Мағаа киртініп, чазыхтарынаң позып алар иде, паза Минің таллап алған кізілерімнің аразында орын алар иде».

Марк 1:31

Ол, чағын пас киліп, ипчіні холынаң тудып алып, турғыза тартханда, аның ағырии олох туста иртіс парыбысхан. Анаң ол ипчі оларға хайын сыххан.

Матфей 21:14

Храмда Иисуссар харах чохтар паза ахсахтар пастыр килгеннер. Ол оларны имнебіскен.

Матфей 12:22

Анаң Иисуссар, айнаа хаптырып, чоохтан полбинчатхан паза кӧр полбинчатхан кізіні ағыл килгеннер. Ол аны чоохтан полар паза харахтарын кӧр полар иде имнебіскен.

Иоанн 9:39

Кӧрбинчеткеннер кӧрзіннер, кӧрчеткеннері, тізең, кӧрбезіннер тіп, мына мындағ чарғынаң чарғылирға чир-чалбахха килгем, – теен Иисус. –

Матфей 11:5

Харах чохтар кӧр сыхчалар, ахсахтар, тізең, пас сыхчалар, чызығ палығлығлар арығланып алчалар, туныхтар, тізең, ис сыхчалар, ӧліглер тірілчелер, чох кізілерге, тізең, Чахсы Хабарны искірчелер.

Лука 9:48

оларға піди теен: – Мині аарлап, пу паланы позына чағын кирген кізі Мині дее позына чағын итче. Мині позына чағын иткен кізі Мині ысхан Худайны даа позына чағын итче. Кем сірернің араңарда иң кічіг, ол улии пол парар.

Матфей 8:3

Йа, хынчам, – тіп ала, холын сунып, ол кізее теертібіскен Иисус. – Арығ пол пар! Сах андох чызығ палығлығ кізі арығ пол парған.