Марк 10:17 - Наа Молҷағ

¹⁷ Иисус чорыхха тимненчеткенде, хайдағ-да кізі, ойлап киліп, Аның алнына тізекке тӱскен: – Чахсы ӱгретчі! Мӧгі чуртас алар ӱчӱн мин ниме идерге кирекпін?

Марк 10:17 Referans Kwoze

Римдегілерге 2:7

Чахсы киректерінең сабланысты, аарласты, ӧлім пілбес чуртасты сыбыра тілепчеткен кізілерге Худай мӧгі чуртас пирер.

Лука 10:25

Ол арада Моисей Чахии пілігҷілерінің пірсі, турып, Иисусты сыныхтап, чоохтанған: – Ӱгретчі! Мӧгі чуртасты алар ӱчӱн, мин ниме идерге кирекпін? –

Илҷілернің 16:30

Анаң оларны харибдең сығар парыбызып: – Пиглерім! Арачылан халар ӱчӱн, ниме идерге кирек мағаа? – тіп сурған ол. –

Илҷілернің 2:37

Кізілернің, ол сӧстерні истіп, чӱректері ачаан. Олар Пётрға, пасха даа илҷілерге чоохтанғаннар: – Харындастар, амды піс ниме идибіс?

Илҷілернің 20:32

Амды даа, харындастар, мин сірерні Худай холына пирчем. Аның паарсастығ сӧзін ундутпаңар! Ол сірерні аннаң андар ӱгрет полар, ідӧк Худай позының прай кізілеріне пирчеткен алғастардаң сірерге дее пир полар.

Илҷілернің 9:6

Хан-пигім! Ниме идерге чахирзың мағаа? – сурған Савл, хорығып паза сірлезіп ала. – Турып, саарзар пар. Ниме идерге кирек полчатханын сағаа анда чоохтирлар, – нандырған ағаа Хан-пиг.

Матфей 25:34

Анаң хан Позынаң оң сариндағыларға чоохтанар: «Минің Пабам алғааннары, киліңер, чир чайалғаннаң сығара сірерге тимнелген хан-чирін алыңар.

Матфей 17:14

Олар кізілерзер айлан килгенде, пір кізі, пас киліп, Иисустың алнында тізекке тӱзіп,

Иоанн 6:40

Мині Ысханның кӧңні мындағ: Худайның Оолғын кӧрчеткен паза Ағаа киртінчеткен полған на кізі мӧгі чуртастығ ползын. Мин дее аны тӱгенҷі кӱнде тірілдір саларбын, – нандырған Иисус.

Иоанн 5:39

Сірер Худай Пічиинде мӧгі чуртас таап аларға ізенчезер, аннаңар оларны ӱгренчезер. Оларда даа Миннеңер пазылча.

Иоанн 3:2

Пірсінде ол, Иисуссар хараазын киліп, чоохтанған: – Ӱгретчі! Син итчеткен хайхастарны, Худай ӱлгӱ пирбезе, пір дее кізі ит полбас. Аннаңар піс пілчебіс, Син Худайдаң килген ӱгретчізің. –

Марк 12:14

Иисуссар пас киліп, олар тееннер: – Ӱгретчі! Піс пілчебіс, Син кӧні кізізің, пірдеезінең чалтанминчазың, пірдеезіне чалғанминчазың. Кем дее полза, син аны Худайның чолынҷа парарға сын ӱгретчезің. Чоохтап пир піске, Рим хағаныға албан тӧлирге кирекпіс пе алай чох па? Пирерге кирек пе алай чох па?

Марк 9:25

Иисус, ибіре чон чыылысчатханын кӧріп, чабал хутха теен: – Тіл тартырчатхан, хулах испес итчеткен чабал хут! Минің чарғы-чахиимны ис: сых пу оолахтаң паза кірбе ағаа!

Марк 1:40

Иисуссар чызығ палығлығ кізі киліп, алнына тізекке тӱзіп, алданып ала Аннаң сурынған: – Хынзаң, мині арығлап поларзың.

Матфей 28:8

Ипчілер, хуюдаң табырах сых парыбызып, хорығып ала, олох туста илбек ӧрчіде Иисустың ӱгренҷілеріне искірерге чӱгӱргеннер.

1 Иоанның 2:25

Иисус Христос піске мӧгі чуртасты пирерге хынча нооза.

Римдегілерге 6:23

Чазыхтың тӧлее ӧлім, нооза. Худайның сыйии, тізең, Хан-пигібіс Иисус Христоста мӧгі чуртас.

Марк 10:18

Иисус ағаа теен: – Син ноға Мині чахсы тідің? Пірдеезі чахсы нимес, чалғыс Худай ла андағ.

Ефестегілерге 1:18

Худай сірернің чӱректеріңні чарыт пирзін тіп сурынчам. Чарыт пирзе, сірерге Худай пирген ізеністі піліп аларҷыхсар. Ах-арығ кізілеріне пирер хайхастығ молҷағларының хайдағ полчатханын паза

Еврейлерге 1:14

Ангеллер Худайның нымысчылары ла. Олар арачылан халар кізілернің нымызына чӧрерге турғызыл парғаннар.

1 Петрның 1:4

тигірде хайраллалчатхан изелбес, арығ, уурабас ӱлӱзібісті пирген.