Лука 9:32 - Наа Молҷағ

³² Пётр паза аннаң хада килгеннер тирең уйғуда полғаннар, че усхун парып, сабланызында чарып турған Иисусты паза Аннаң хости турчатхан ікі иренні кӧр салғаннар.

Лука 9:32 Referans Kwoze

Иоанн 1:14

Сӧс, кізі пол парып, паарсасха паза сынға пай полып, піснең хада чуртаан. Піс Аның Пабазынаң алған сабланызын кӧргебіс. Ол сабланысты Пабазының чалғыс Оолғы полып алған.

2 Петрның 1:16

Піс, сірерге Хан-пигібіс Иисус Христостың кӱзінеңер паза Аның килерінеңер чоохтааныбыста, позыбыс сағын тапхан нимее тӧстенмеебіс. Піс Аның илбек кӱзін позыбыстың хараанаң кӧргебіс.

Иоанн 17:24

Пабам! Мағаа пирген кізілерің Минің полчатхан чирімде Миннең хада ползыннар тіп сурынчам. Чир-чайаан чайалғалахтох, Мағаа хынғаныңнаңар, Син Мағаа сабланызыңны пиргезің. Пу сабланысты даа оларға кӧзідерге сурынчам.

1 Иоанның 3:2

Хынғаннарым! Сағам даа піс Худай палаларыбыс, че хайдағ пол парарбыс, ам даа пілдістіг нимес. Пілдістіг пол парза, Иисус Христостың хайдағ полчатханын кӧріп, Олох осхас пол парарыбысты пілчебіс.

Марк 14:40

Анаң айланғанда, Иисус тігілернің хатабох узупчатханнарын кӧр салған. Олар харахтарын даа ас полбинчатханнар паза Ағаа ниме дее нандырҷаан пілбееннер.