Лука 8:30 - Наа Молҷағ

³⁰ Адың кемдір? – сурған ол кізідең Иисус. – Тӱбен, – нандырған ол. Істіне кӧп чабал хут кіргеннеңер, ол іди адантыр.

Лука 8:30 Referans Kwoze

Матфей 26:53

Мині Пабамнаң полызығ сур полбас тіп сағынчазың ма? Сурынзамох, Ол Мағаа он ікі тӱбеннең дее кӧп ангел ыс пирер.

Лука 8:2

Оларнаң хада Иисус чабал хуттардаң паза ағырығлардаң имнебіскен ипчілер полғаннар. Оларның аразында істінең читі чабал хут сығардырған Магдалина тіп солалығ Мария полған.

Марк 16:9

Неделяның пастағы кӱнінде иртен ирте Иисус тіріл парған. Пастап Ол хаҷан-да читі айна-чигін сығарған Мария Магдалинаа кӧрін парған.

Матфей 8:29

Олар, килбинең, чабал хысхыр сыхханнар: – Ниме кирек Сағаа пістең, Иисус, Худай Оолғы? Син пісті, тус читкелеккеӧк, иреелирге килдің ме?

Марк 5:9

Иисус сурған аннаң: – Адың синің кемдір? Чабал хут нандыр пирген: – Піс кӧптеңер адым минің Тӱбен.

Матфей 4:24

Иисустаңар хабар прай Сирий чирінҷе тараан. Андар чадығдағыларны, аймах ағырығларға пастырчатханнарны, талчатханнарны, айна кіргеннерні, алҷаахханнарны, чӱллері пос кізілерні – прайзын ағыл килҷеңнер. Иисус прайзын чазылдырған.

Лука 8:29

Аның алнында Иисус чабал хутха ол кізідең сых парыбызарға чахаан полған нооза. Чабал хут кізіні ӱр иреелеен. Ол кізіні, хадарып, ілҷірбенең палғап салҷаңнар, че анзы, ілҷірбелерні ӱзе тартхлабызып, чабал хутха сӱрдіріп, хуу чазызар чӱгӱре халҷаң. –