Лука 8:18 - Наа Молҷағ

¹⁸ Аннаңар сиргек полыңар: кемде пар, ағаа хоза пирілер; кемде чоғыл, анзының пар ползын тіп сағынчатхан нимезі дее алылар.

Лука 8:18 Referans Kwoze

Матфей 13:12

Кемнің пар, ағаа хоза пирілер. Ани уламох кӧп полар. Кемнің чоғыл, аның пар даа нимезін алып аларлар.

Лука 19:26

Че ээзі теен: «Тіпчем сірерге, ниме-ноолығ кізее хозылар, ниме-ноозы чох кізінің, тізең, пар даа нимезі алылар.

Матфей 25:29

Ниме-ноозы пар полған на кізіни хозылып одырар, че ниме-ноозы чох кізі пар даа нимезін пыластырар.

Иоанн 15:2

Ол Миндегі чистек пирбинчеткен полған на салааны кизібісче, чистек ӧсчеткен полған на салааны, тізең, улам кӧп чистек пирзін тіп, арығлапча.

Еврейлерге 2:1

Аннаңар піс, саба чолға кірібіспес ӱчӱн, пісті ӱгреткен нимее ӧнетін хайығ саларға кирекпіс.

1 Коринфтегілерге 14:37

Кем позын ухаанҷы алай Худай Худы тол парған кізібін тіп сананчатса, ол кізі пілзін: мин пасчатхан ниме – ол Худай чахығлары.

1 Коринфтегілерге 8:2

Піреезі ниме-де пілчем тіп сағынчатса, ол кізі хайди пілерге кирек, іди пілбинче.

1 Коринфтегілерге 3:18

Пос посты пірдеезі алаахтырбазын. Кем пу тустарда хыйға чӧрерге сағынчатхан полза, ол, хыйға полары ӱчӱн, сағызы чох ползын.

Римдегілерге 12:3

Мағаа Худайдаң пирілген паарсазының хоостыра сірерге прайларыңа чоохтапчам: улуғсырхабаңар, постарыңнаңар синінең азыра улуғ сағынмаңар. Пазымнығ, Худай синеп пирген киртіністеріңнің хоостыра сағыныңар.

Илҷілернің 17:11

Мындағылар фессалониктегілернің хыринда арығ сағыстығ полғаннар: олар, кӱннің сай Худай Пічиин хығырып, андағ ба, андағ нимес пе тіп сыныхтап ала, Чахсы Хабарны хынып алғаннар.

Илҷілернің 10:33

Мин сах андох синзер кізілер ысхам. Син, пеер киліп, чахсы иттің. Амды, Худайның сағаа чахаан нимелерінің прайзын истіп аларға тіп, піс прайзыбыс Худай алнында турчабыс.

Лука 9:44

Пу сӧстер миистеріңе чахсы иде сиип парзын: Кізі Оолғы кізілер холына кірер.

Филипптегілерге 3:4

Итсе-де, мағаа, кізі позыма, ізенерге чарирҷых. Пасхаларының хыринда ит-ханға ізенҷең кізі мин артых ла полам:

Марк 13:14

Чиркестіг нименің ызых орында турчатханын кӧр салзар, аннаңар ухаанҷы Даниил чоохтаан полған (хығырған кізі пілер аны), андада Иудей чиріндегілер тағларзар тиссіннер.