Лука 8:13 - Наа Молҷағ

¹³ Тастығ чирге тӱскен ӱреннер чи? – Анзы Худай сӧзін, истіп, чӱректеріне ӧрчіліг алчатхан кізілер, че чилегелері чохтаңар, ӱр нимес ле киртінчелер, анаң, сыныхтаға урунзаларох, киртіністерін тастабысчалар.

Лука 8:13 Referans Kwoze

Иоанн 5:35

Иоанн, кӧйіп, чарыпчатхан сівечі осхас полған, сірер аның чариин ӧрчіліг удурлаазар, че ол ӱр нимеске полған.

Иуданың 1:12

Сірер хада азыранчатхан чыылығларда олар суғ алтындағы хайалар осхас хорғыстығлар. Чоо сабыныбызарға ӱр нимес. Олар чил сӱр чӧрген, наңмырлары чох пулуттарға, кӱскӱде дее чистек пирбинчеткен, чирдең ходырыл парған ағастарға тӧӧйлер – тірілбеске ӧліглер.

2 Петрның 2:22

Оларның хылынғаннары «Адай хусхағына айланадыр» паза «Сосханы чууп таа салза, олох ла палғасха кір парар» теені сын полчатханын киречілепче.

2 Петрның 2:20

Кізілер, Арачылағҷыбыс паза Хан-пигібіс Иисус Христосты піліп алып, пу чирнің кірінең озып алчалар. Че пу чирнің кірі оларны, пазох тудып алып, пазынып алза, олар позаалахтағызынаң хай-хай чабал пол парчалар.

Еврейлерге 10:39

Піс хыйа айланыбысчатханнар паза ӧлім алчатханнар санынаң нимеспіс. Піс, худыбысты арачылап алар ӱчӱн, пик киртінчебіс.

Ефестегілерге 3:17

Христос чӱрееңерде киртіністерің пастыра ползын тіп, алданчам.

Иаковтың 2:26

Тыны чох ит-сӧӧк ӧліг ниме. Киректері чох киртініс тее ідӧк ӧліг.

1 Фессалониктегілерге 3:5

Аннаңар, паза сағба чохта, мин дее, сыдаспин, киртіністерің пик пе тіп, пілерге ыстым. Пик полбаза, сайтан сірерні хыҷаландыр салза, пістің иткен тоғызыбыс тик парар.

Колоссадағыларға 2:7

Христоста тамырларыңны салыңар, Анда постарыңны пӱдіріңер. Киртіністе, сірерні ӱгреткен хоостырох, пик турыңар. Чӱректерің алғыстасха толынзын.

Галат чиріндегілерге 3:4

Анҷа кӧп сыдас парғаннарың тузазы чох полды ба? Йо, ол сыннаң даа тузазы чох полған ма?

Галат чиріндегілерге 3:1

Йо, сағыс чох галаттар. Сынның сӧзін испеске кем сірерні аптап алған? Мин сірерге Чахсы Хабарны чарлаанымда, сірерге Иисус Христостың кіреске хазаттыртханы іле кӧрінмеен ме?

1 Коринфтегілерге 15:2

Сірер минің ӱгреткенім хоостыра Чахсы Хабарны сағыстарыңда тутчатсаңар паза ағаа киртіністерің тик-хуруғ полбинчатса, Чахсы Хабарнаңох арачыланып аларзар.

Иоанн 15:6

Мағаа киртінминчеткен кізі, чистек пирбинчеткен салаа чіли, тасталар паза хурир. Андағ салааларны, чыып алып, отха тастабысчалар, олар, тізең, кӧй парчалар.

Иоанн 15:2

Ол Миндегі чистек пирбинчеткен полған на салааны кизібісче, чистек ӧсчеткен полған на салааны, тізең, улам кӧп чистек пирзін тіп, арығлапча.

Колоссадағыларға 1:23

Итсе, сірер киртіністе пик паза ікінҷілебес полыңар. Сірер искен Чахсы Хабарның ізенізінең хыйа полбаңар. Ол Чахсы Хабар тигір алтында прай чайалған нимее чарлалған. Мин, тізең, Павел, ол хабарның нымысчызы пол парғам.

1 Коринфтегілерге 13:2

Ухааннирым пар полза паза прай чазыттарны пілчетсем, ноо даа піліс алчатхан ползам, тағларны орнынаң тибіредерге кӱс пирчеткен прай киртініс минде полза, че хынызым чох полза, тик-хуруғ кізібін.

Марк 6:20

Ирод, Иоанның арығ чӱректіг, Худайның ах-арығ кізізі полчатханын піліп, аннаң хорыххан паза хайраллаҷаң аны. Ол Иоанның сӧзінҷе кӧп ниме итчең паза аның чоохтарын хынып исчең.

1 Иоанның 2:19

Олар пістің арабыстаң сыхханнар, че пістің киртінгенібіс чіли киртінмин, пісти полбааннар. Пісти полған ползалар, піснең хада халарҷыхтар. Че оларның пістең хыйа парыбысханы пісти нимес полчатханын кӧзітті.

Лука 8:12

Чол хазында тӱскен ӱреннер Худай сӧзін исчеткен кізілер полчалар. Сайтан, тізең, киліп, оларны киртінмезіннер паза арачылан полбазыннар тіп, ол сӧсті кізілернің чӱректерінең ал чӧрібісче.

Лука 8:14

Тігенектер аразына тӱскен ӱреннер, тізең, – Худайның сӧзін исчеткен кізілер, че сағыссырастарға, пайға, чуртастың чырғалларына пастырып, пір дее туза ит полбин салчалар.