Лука 6:8 - Наа Молҷағ

⁸ Че Иисус, оларның сағыстарын піліп, холы хуруп парған кізее теен: – Турып, чон алнына сых! Ол кізі, турып, алнынзар сыххан.

Лука 6:8 Referans Kwoze

Азых чоох 2:23

Мин аның палаларына ӧлім ызарбын. Кізілер чӱректерінің паза сағыстарының сыныхтағҷызы полчатханымны прай тигіриблер піліп аларлар. Сірерге, полғаныңарға ла, иткен киректерің хоостыра тӧлеп пирербін.

Матфей 9:4

Иисус, оларның сағыстарын піл салып, теен: – Ноға чӱректеріңде іди хомай сағынчазар?

1 Петрның 4:1

Христос пістің ӱчӱн иді-ханын иреелеткен. Сірер дее олох пӧгіннең тирін салыңар. Иді-ханын иреелетчеткен кізі чазых идерін тохтатча нооза.

Еврейлерге 4:13

Худайдаң пір дее ниме чазыр полбассың. Прай чайалған ниме Аның хараа алнында паза Ағаа азых. Аның алнында піс иткен киректерібіс ӱчӱн нандырығ тударбыс.

Филипптегілерге 1:28

Ыырҷылардаң пір дее чалтанмаңар. Сірернің киртінізіңер оларға ӧлімні таныхтир, сірерге, тізең, арачыланысты. Анзы Худайдаң пирілче.

Илҷілернің 26:26

Аннаңар хан пілче, мин аның алнында чалтанмин чоохтанчам. Пу полған нимелердеңер аның пілбинчеткеніне мин киртінминчем. Олар хайда-да чазытта иділбееннер.

Илҷілернің 20:24

Мин, тізең, позымның ӱлӱзімні, Иисус Хан-пигдең алған тоғысты, Худай паарсазынаңар Чахсы Хабарны кізілерге ӧӧрчіліг искірерін толдыр салим на тіп, пір дее нимее хайбинчам, позымның чуртазымны даа нимее салбинчам.

Иоанн 21:17

Иисус ӱзінҷі хати сурған: – Ионаның оолғы, Симон! Син Мағаа хынчазың ма? Іди Иисус «Мағаа хынчазың ма» ӱзінҷізін сурғанда, Пётр, хомзын парып, Иисусха нандырған: – Хан-пигім! Сағаа хынчатханымны, Син пілчезің. – Минің хойларымны хадар.

Иоанн 9:4

Мині ысхан Худайның киректерін кӱн хонғалахха толдырарға кирекпін. Харасхы килир. Ол килзе, пірдеезі пір дее ниме ит полбас.

Иоанн 2:25

Иисус кізідеңер пасха кізінің чооғы хоостыра піліп аларын кирексібеен. Ол кізінің хылиин Позы пілген.

Лука 5:22

Иисус, оларның сағыстарын сизініп, теен: – Ноға чӱректеріңде андағ сағыстар ал чӧрчезер?

Лука 6:9

Андада Иисус оларға теен: – Сурыбызимдах сірердең, суббота кӱнде чахсы алай чабал ниме идерге чарир ба? Кізі тынын ал халҷаң ма алай чох итчең ме? Олар пір дее ниме чоохтанмааннар.

Марк 3:3

Иисус холы хураан кізее теен: – Чон алнына сых!

Лука 13:12

Иисус, аны кӧр салып, Позынзар хығырып алып, ағаа чоохтанған: – Ағырииңнаң осхырылчазың!