Лука 6:17 - Наа Молҷағ

¹⁷ Оларнаң хада тағдаң ин киліп, Иисус пір тӱс чирде турыбысхан. Кӧп ӱгренҷілері паза Иудей чирінең, Иерусалимнең, талай хазындағы Тир паза Сидон саарлардаң даа илееде кӧп кізі мында турыбысхан.

Лука 6:17 Referans Kwoze

Матфей 11:21

Хыйал сағаа Хоразин! Хыйал сағаа Вифсаида! Сірерде иділген хайхастар Тирде паза Сидонда, Худайы чохтарның саарларында, иділген ползалар, олар хаҷанох, киден кип-азах кизіп, пастарына кӱл чайып, чазыхтарынаң хыйа полып, Худайзар айланарҷыхтар.

Лука 6:12

Олох кӱннерде Иисус пазырарға тағзар сыххан. Хараазын Худайға пазырып иртірген.

Лука 5:15

Иисустаңар тылаас уламох тың тараан. Аны истіп аларға паза постарының ағырығларынаң имненіп аларға уғаа кӧп кізі кил турҷаң.

Матфей 15:21

Иисус, андартын парып, Тир паза Сидон саарларның чирлерінзер чӧрібіскен.

Матфей 14:14

Иисус, чарға сығып, кӧп кізінің чыыл парғанын кӧр салған. Оларға айап парып, ағырығ кізілерні имнебіскен.

Матфей 12:15

Аның соонҷа кӧп чон парған. Ол ағырығларынаң прайзын имнебіскен.

Матфей 5:1

Иисус, чонның кӧп чыыл парғанын кӧріп, тағзар сыххан. Анда Ол одыр салғанда, ӱгренҷілері Аныңзар пас килгеннер.

Лука 6:16

Иаковтың оолғын Иуданы паза соонаң Иисусты садыбысхан Иуда Искариотты.

Лука 6:18

Олар, Иисусты истіп, ағырығларынаң имненіп аларға килгеннер. Чабал хуттарға иреелеттірчеткеннер дее имненіп алғаннар.