Лука 4:6 - Наа Молҷағ

⁶ теен: – Мин пу чир ӱстӱнің прай ӱлгӱзін паза ис-пайын Сағаа пирербін. Ол мағаа пирілген, мин, тізең, аны, кемге хынзам, ағаа пирербін.

Лука 4:6 Referans Kwoze

Ефестегілерге 2:2

Хаҷан-да сірер, пу чир ӱстӱндегілернің чабал чолларынҷа парып, чир ӱстӱнде ӱлгӱ тутчатхан кнестің кӧңнінҷе полғазар. Ол ам даа Худайның чооғын испинчеткен кізілерні толғап парча.

Иоанн 14:30

Чир-чалбахтың кнезі – сайтан – чағын, аннаңар Мағаа сірернең чоохтазарға ӱр халбады. Аның Миннең устаҷаң ӱлгӱзі чоғыл.

Иоанн 12:31

Амды прай чирге чарғы тӱсті. Сайтан, чирнің кнезі, мыннаң сӱрдіртер.

1 Иоанның 5:19

Худайни полчатханыбысты пілчебіс, тиксі-тилекейнің чабал кӱзі алтында полчатханын даа пілчебіс.

Азых чоох 13:7

Ағаа ідӧк ах-арығ кізілернең чаалазарға паза оларны чиңерге чарадылған. Ағаа полған на тӧлнең, чоннаң, тілнең паза сӧӧкнең устирға ӱлгӱ пирілген.

Азых чоох 13:2

Мин кӧрген аң чохыр аңа тӧӧй полған. Азахтары абани, ахсы ала парысти осхас полған. Сыр чылан ағаа позының кӱзін, позының ӱлгӱ сіреезін паза позының илбек ӱлгӱзін пирібіскен.

Азых чоох 12:9

Ол илбек сыр чылан – пурунғы чылан полған, аны диавол алай сайтан тіп адапчалар. Прай чир ӱстӱндегі чоннарны алаахтырчатхан сыр чылан позының ангеллерінең хада чирзер тастатхан.

1 Петрның 1:24

Ноо даа кізі ӧсчеткен от осхас. Аның хайдағ даа сабланызы от пазындағы чахайах осхас: от хуруп парча – чахайах салых парча.

2 Коринфтегілерге 11:14

Мында пасхаҷыл ниме чоғыл: сайтан позы даа Чарыхтың ангелінің омазын алып алча.

Иоанн 8:44

Пабаңар сайтан, сірер аның кӧңніне кірчеткен нимелерні толдырарға тимдезер. Ол прай ниме наа ла чайалчатхан тустардох кізі ӧдіреечі полған паза, аның чӱреенде Сын чох полғаннаңар, ол Сынның саринда халбаан. Ол чойланчатса, ол ӧӧн позынаң чоохтанча. Ол чой паза чойның пабазы.

Лука 4:7

Мағаа пазырзаң, пу ниме прай Сини полар. –