Лука 4:36 - Наа Молҷағ

³⁶ Прайзы, алаң ас парып, пос алынҷа чоохтасхлаан: – Хайдағ андағ ниме полҷаң пу? Пу кізі позының ӱлгӱзінең паза кӱзінең чабал хуттарға чахығ пирче, олар, тізең, сых чӧрібісчелер.

Лука 4:36 Referans Kwoze

Лука 4:32

Иисустың сӧзі кӱстіг полғаннаңар, Аның ӱгредиине хайхасханнар.

1 Петрның 3:22

Иисус Христос Худайның оң холында одырча. Хаҷан Ол тигірзер ӧӧрлебіскеніңде, Аның чооғын ангеллер паза ӱлгӱлер паза кӱстер ис сыхханнар.

Марк 7:37

Кізілер, тың хайхазып, чоохтасхлааннар: – Прай нимені чахсы итче: туныхтарын истер иде, тіл чохтарын чоохтазар иде.

Марк 1:27

Прайзы, ӱрӱк парып, удур-тӧдір сурастырысхлааннар: – Ниме полды пу? Чабал хуттарға ӱлгӱ салып, оларны позының оңдайынҷа полдырчатхан кемдір Ол андағ? Хайдағ андағ наа ӱгредіг полар ол?

Матфей 9:33

Айнаны сығара сӱрдӧк, ол кізі чоохтан сыххан. Кізілер, ол нимее хайхап, чоохтасханнар: – Израиль чирінде мындағ ниме хаҷан даа полбаан полған.

Лука 2:18

Аны искен кізілернің прайзы мал хадарҷаңнарның чоохтарына чапсаан.