Лука 4:25 - Наа Молҷағ

²⁵ Сынны чоохтапчам сірерге, Илияның тузында, хаҷан ӱс чыл чарым наңмыр чағбин турғанда, прай чирде улуғ ӧзӧгіс полғанда, Израиль чирінде кӧп ӧкіс ипчі полған.

Лука 4:25 Referans Kwoze

Иаковтың 5:17

Илия піс осхас кізі полған. Наңмыр чағбазын тіп пазырғанында, чирге наңмыр ӱс чыл алты ай тӱспеен.

Матфей 20:15

Алай минің нимемні позым хынғанни итчең ӱлгӱм чоғыл ба? Алай син минің андағ харам нимес полчатханыма атархапчазың ма?»

Лука 10:21

Олох туста Иисусты Худай Худы ӧрініснең толдырған. Иисус теен: – Пабам! Тигірнең чирнің Ээзі! Мынзын, пілістіглердең паза хыйғалардаң чазырып, кічіг палаларға ас пиргенің ӱчӱн, Сині саблапчам. Йа, Пабам, мына мынзы Син хынғанни полды.

Ефестегілерге 1:11

Прай нимені Позының кӧңні-сағызынҷа итчеткен Худайның пӧгіні хоостыра піс, Христостағылар, Худайның палалары поларға таллалғабыс.

Ефестегілерге 1:9

Айабин пиріп, пастабох Христостың пастыра толдырарға сағын салған чазыт пӧгінін піске асхан. Ол аны Позының паарсах кӧңнінең иткен.

Римдегілерге 9:20

Кемзің син, кізі, Худайға удурлазарға? Устың холы иткен ниме «Ноға син мині мындағ иткезің?» тіп полар ба?

Римдегілерге 9:15

Ол Моисейге піди тіпче нооза: Ӧлҷей пирерге итсем, ӧлҷей пирербін. Айирға итсем, айирбын.

Азых чоох 11:6

Ухаанҷылапчатхан туста наңмыр чағбазын тіп, оларға тигірні чабызарға ӱлгӱ пирілген. Оларға хынған сай, суғларны ханға айландырып, чирдегілерні аймах ағырығларнаң, саайларнаң чох идерге ӱлгӱ пирілген.