Лука 24:52 - Наа Молҷағ

⁵² Ӱгренҷілері, Ағаа пазырған соонда, улуғ ӧрчіде Иерусалимзер айланғаннар.

Лука 24:52 Referans Kwoze

Матфей 28:9

Іди ӱгренҷілеріне искірерге парчатхан туста кинетін оларға Иисус тоғас парып, теен: – Амыр-хазых полыңар! Ипчілер, чағын пас киліп, азахтарын хуҷахтап алып, мӧкейіп Ағаа пазырғаннар.

Иоанн 16:22

Сірер дее сағам сағыссырастазар. Мин сірернең хатап кӧрізербін, андада сірер ӧрінерзер. Ол ӧріністі сірердең пірдеезі пылас полбас.

1 Петрның 1:8

Сірер Аны хаҷан даа кӧрбеен дее ползар, Ағаа хынчазар. Сағам даа, Аны кӧрбинчеткен дее ползар, Ағаа киртінчезер паза чоохтап таа полбас ӧрініс сірерні толдырча.

Иоанн 20:28

Хан-пигім паза Худайым минің! – нандырған Фома. –

Иоанн 14:28

«Сірердең парып, сірерзерӧк айланарбын» теен сӧстерімні искезер. Мағаа хынған ползаңар, «Мин Пабамзар парчам» тееніме, ӧрінерзер. Пабам Миннең дее илбектеңер, ӧрініңер.

Матфей 28:17

Иисусты кӧр салып, Ағаа мӧкейіп пазырғаннар, хай піреезі, тізең, ікі сағыстанғаннар.

Иоанн 16:7

Че Мин сынны сірерге чоохтапчам, Минің парчатханым, сірерге чахсаа полар. Мин парбазам, тізең, Турысчы сірерзер килбес. Мин, парып, Аны сірерзер ызарбын.

Лука 24:51

Іди алғап, Ол, олардаң оортахтаң оортах ла полып, тигірзер ӧӧрлеп сыххан.

Лука 24:53

Анаң олар, Худайны сабландырып паза алғап, сыбыра храмда полғаннар. Аминь.

Илҷілернің 1:12

Андада илҷілер Иерусалимнең Суббота кӱннің чолы синҷе ырахта турчатхан Елеон тағдаң Иерусалимзер нандыра айлан килгеннер.