Лука 23:43 - Наа Молҷағ

⁴³ Сынны сағаа чоохтапчам, син пӱӱнӧк Миннең хада Худай садында поларзың, – нандырған ағаа Иисус.

Лука 23:43 Referans Kwoze

Азых чоох 2:7

Истіп пілчеткен кізі, Худай Худы тигіриблерге ниме тіпчеткенін, иссін. Чиңіс тутхан кізее Худай садының ортызында ӧсчеткен чуртас ағазының чистегін чіп кӧрерге пирербін».

Лука 19:10

Кізі Оолғы, чіткенін таап, арачылирға килген.

Иоанн 14:3

Парып, сірерге орын тимнеп салып, нандыра айланып, Позымның полчатхан чирімзер сірерні алып аларбын.

Еврейлерге 7:25

Аннаңар Ол Худайға Позының пастыра килчеткеннерні хаҷан даа арачылап полар. Иисус, олардаңар Худайдаң сурынары ӱчӱн, тӱгенмес хоныхтығ полар.

Иоанн 17:24

Пабам! Мағаа пирген кізілерің Минің полчатхан чирімде Миннең хада ползыннар тіп сурынчам. Чир-чайаан чайалғалахтох, Мағаа хынғаныңнаңар, Син Мағаа сабланызыңны пиргезің. Пу сабланысты даа оларға кӧзідерге сурынчам.

Филипптегілерге 1:23

Анзы даа, мынзы даа кӧңнімні тартча. Минің, пу ах-чарыхтаң парыбызып, Христоснаң хада поларым килче: анзы хай-хай артых нооза.

2 Коринфтегілерге 5:8

Анзын пілчеткенде, ізестіг чӧрчебіс паза, иді-ханыбыс полчатхан отахтаң сых парып, тигірдегі ибібісте Хан-пигнең хада орнығарыбыс килче.

Лука 23:42

Анаң Иисусха теен: – Позыңның хан-чиріңе читсең, Хан-пигім, мині сағыста тут! –