Лука 22:32 - Наа Молҷағ

³² Че Мин, киртінізіңнің кӱзі син парбазын тіп, синің ӱчӱн пазырғам. Син дее, соонаң Минзер хатап айланып, харындастарыңның киртінізін тыыдарға кирексің. –

Лука 22:32 Referans Kwoze

Римдегілерге 8:34

Кем чарғылир? Пірдеезі. Христос Иисус ӧл парған, че тіріл парған. Ол Худайның оң саринда одырча паза пістің алныбысты алча.

Еврейлерге 7:25

Аннаңар Ол Худайға Позының пастыра килчеткеннерні хаҷан даа арачылап полар. Иисус, олардаңар Худайдаң сурынары ӱчӱн, тӱгенмес хоныхтығ полар.

2 Петрның 3:14

Хынғаннарым! Ол кӱнні сағып, Худайның алнында арығ кӧңніліг, чазых чох поларға кӱстеніңер. Анынаң чаразып чуртаңар.

1 Петрның 1:5

Киртініп ала, сірер Худайның кӱзінең арачылалчазар. Худай сірерні тӱгенҷі тустарда азылар арачыланысха тимнепче.

Лука 8:13

Тастығ чирге тӱскен ӱреннер чи? – Анзы Худай сӧзін, истіп, чӱректеріне ӧрчіліг алчатхан кізілер, че чилегелері чохтаңар, ӱр нимес ле киртінчелер, анаң, сыныхтаға урунзаларох, киртіністерін тастабысчалар.

Илҷілернің 3:19

Чазыхтарың тасталзын тіп, пыросыныңар паза Худайзар айланыңар.

1 Петрның 1:13

Аннаңар сағыстарыңны суғлухтабызыңар, сизіктіг тудынып, Иисус Христостың килгені хоостыра сірерге пирілер паарсасха пар-чох ізеніс тудыңар.

Еврейлерге 12:15

Кӧріңер, Худайның паарсазынаң сірернің пірдеезі хал парбазын. Сірернің араңарда ачығ тамырлар ӧс парбазын. Олар ӧсчеткен чирлерде кӧп кізі ооларына оох парча.

Матфей 18:3

теен: – Сынны тіпчем сірерге: постарыңның оңдайларыңны алыстырбазар, олған чіли пол парбазар, Тигір хан-чирінзер кір полбассар.

1 Иоанның 2:19

Олар пістің арабыстаң сыхханнар, че пістің киртінгенібіс чіли киртінмин, пісти полбааннар. Пісти полған ползалар, піснең хада халарҷыхтар. Че оларның пістең хыйа парыбысханы пісти нимес полчатханын кӧзітті.

Иоанн 14:19

Тӱрче полза, чир-чалбах Мині паза кӧрбес, че сірер, тізең, Минің чуртапчатханым ӱчӱн, паза постарың чуртапчатханнарың ӱчӱн, Мині кӧрерзер.

Марк 14:72

Ол туста питук ікінҷізін тапсабысхан. Андада Пётр, Иисустың «Питук ікі хати тапсаанҷа, син Миннең ӱс хати тӧдір пазынарзың» теен чооғын сағысха киріп, ылғабысхан.

Марк 16:7

Че, парыңар. Аның ӱгренҷілеріне паза Пётрға «Ол сірерні Галилей чирінде сағир» тіп чоохтаңар. Иисус сірерге чоохтаанни, Аны анда кӧрерзер.

Матфей 26:75

Андада Пётр Иисустың «Питук тапсаанҷа, син ӱс хати Миннең тӧдір пазынарзың» теенін сағысха кир килген. Анаң, оортах парып, ол ачығ ылғабысхан.

1 Петрның 1:1

Мин, Иисус Христостың илҷізі Пётр, сірерге, иблерінең ырах – Понт, Галат, Каппадок, Асий паза Вифиний чирлерінҷе – тарасхлап парып чӧрчеткен, Худайның таллаан кізілеріне, пасчам.

Римдегілерге 8:32

Ол Позының Оолғына айабаан, пістің прайзыбыстың ӱчӱн пир салған. Аннаң хада піске прай нимені сыйлап пирбес пе?

Титке 1:1

Павел – Худай хулы, Иисус Христостың илҷізі. Мин Худай таллааннарға киртініс читірерге, оларны сынға паза Худайның кӧңніне чарапчатхан чуртасха ӱгредерге ызылғам.

2 Тимофейге 2:18

Олар, кізілернің ӧлімнең тірілгені пол парды тіп чоохтап, іди сын ӱгредігдең тӧдір пазып, хайзыларының киртіністерін сайбапчалар.