35 Ол кӱн, сӧзірбе чіли, чир ӱстӱндегілернің прайзына чидер.
«Мына мин, оғыр чіли, кинетін килербін. Чалаас чӧрбес паза уйатха кірбес ӱчӱн, узубинчатхан паза постарының кип-азахтарын тимде тутчатхан кізілер часкалығлар», – тіпче Иисус.
Андада ӱгренҷілері Хан-пигінең сурғаннар: – Хайда полар пу ниме? – Хайда сӧӧк, андар хусхуннар чыылызарлар, – нандырған оларға Иисус.
Пір кізідең Ол прай чоннарны чайап салып, оларны чуртирға прай чир ӱстӱнҷе тарадыбысхан. Чоннарға чуртир тузын паза орнын прай кӧзіт пирген. –
Ол кӱн сірер сағыбаанға орта килібіспезін тіп, сиргек тудыныңар, иртіре чырғап, чуртастың оох-теек нимелеріне пастырбаңар.
Че, сыбыра сиргек полып, пазыр чӧріңер, андада, прай полар саайлардаң ос халып, Кізі Оолғының алнында турарзар.
