Лука 2:7 - Наа Молҷағ

⁷ Хонҷаң турада орын чох полғаннаңар, Мария Тун Оолғын, тӧрідіп, сӱбӱректерге ораап алып, малға от салҷаң кӧлбее сал салған.

Лука 2:7 Referans Kwoze

Галат чиріндегілерге 4:4

Че таныхтаан тузы чит килгенде, Худай Позының чалғыс Оолғын ысхан. Ол ипчідең тӧреен, чахығның холында полған.

Иоанн 1:14

Сӧс, кізі пол парып, паарсасха паза сынға пай полып, піснең хада чуртаан. Піс Аның Пабазынаң алған сабланызын кӧргебіс. Ол сабланысты Пабазының чалғыс Оолғы полып алған.

2 Коринфтегілерге 8:9

Хан-пигібіс Иисус Христостың паарсазын пілчезер нооза. Ол Позы, пай полчадып, сірернің ӱчӱн чох-чоос полыбысхан. Позы чох-чоос полыбысханынаң сірерні пай ит саларға хынған.

Матфей 1:25

Че Мария позының Оолғын тӧріткенҷе, ол ағаа теңмеен. Иосиф тӧреен паланы Иисус тіп адап салған.

Матфей 8:20

Андада Иисус ағаа піди тіпче: – Тӱлгӱлернің іннері пар, тигірдегі хустарның – уйалары, че Кізі Оолғының, пазын хыйын салып, тынанып алҷаң орны чоғыл.

Матфей 13:55

Ол ағас узанҷаң кізінің оолғы нимес пе зе? Аның іҷезі Мария нимес пе зе? Харындастары Иаков, Иосий, Симон паза Иуда ниместер бе зе?

Лука 10:34

Чағын пас киліп, ол аның палығларын хайахнаң паза арағанаң чууп, ораап, палғап салған, анаң аны, эштегіне одыртып, хонҷаң туразар ағыл килген. Мында даа ол аны кӧрген.

Лука 2:6

Олар Вифлеемде полчатхан туста Марияның пала табар тузы чит килген.

Лука 2:8

Олох чир ибіре мал хадарҷаңнар чазыдағы малларын хараазын хадарчатханнар.