Лука 2:39 - Наа Молҷағ

³⁹ Иосифнең Мария, прай нимені Хан Худайның Чахии хоостыра ит салып, саарларынзар – Галилей чиріндегі Назаретсер айлан килгеннер.

Лука 2:39 Referans Kwoze

Лука 2:4

Иосиф, Давид тӧлінең паза сӧӧгінең полғаннаңар, Галилей чиріндегі Назарет тіп саардаң сығып, позының чирінзер, Иудей чирінзер, Давидтің Вифлеем тіп саарынзар парған.

Матфей 3:15

Че Иисус ағаа нандырған: – Сағам піди ползын. Худай пістең сағыпчатхан прай орта киректерні толдыр саларға кирекпіс. Андада Иоанн ідӧк чарат салған.

Лука 2:51

Иисус оларнаң хада, чолға сығып, Назаретсер айлан килген. Ол паба-іҷезінің чооғын исчең. Іҷезі, тізең, Иисустың прай сӧстерін чӱреенде хайраллаан.

Лука 1:6

Олар ікізі дее, Худай алнында арығ чӱректіг кізілер полып, Хан Худайның чахығларына тӧстеніп чуртааннар.

Лука 1:26

Елисавет алтынҷы айында тойлығ чӧрчеткенде, Худай Гавриил ангелні Галилей чиріндегі Назарет саарзар ысхан.

Лука 4:16

Иисус ӧскен чирінзер, Назарет саарзар, айлан килген, субботада, мының алнындағох чіли, синагогазар парып, Худай Пічиин хығырарға турған.

Лука 4:23

Иисус оларға теен: – Сірер Мағаа «Имҷі! Позыңны имнеп ал!» тіп сӧспекті хайди даа чоохтирзар. Ідӧк сірер Мағаа тирзер: «Капернаумда иткен нимелеріңні искебіс, мында даа, позыңның тӧреен чиріңде, ит оларны».