Лука 19:17 - Наа Молҷағ

¹⁷ «Чахсы, кӱстенҷік чалҷым! Син, кічіг киректе ізестіг полғаның ӱчӱн, амды он саарның пазы поларзың», – нандырған ағаа ээзі.

Лука 19:17 Referans Kwoze

Лука 16:10

Кічіг нимеде ізестіг кізі улуғ даа нимеде ізестіг, че кічіг нимеде ізес чох кізі кӧп тее нимеде ізестіг нимес.

Матфей 25:21

«Чахсы паза ізестіг нымысчым! Син кічіг киректе ізестіг полдың. Мин сині кӧп нименің пазында турғызарбын. Ээзіңнең хада ӧрін» – тіп нандырған ағаа ээзі.

1 Петрның 1:7

Анзы киртіністеріңні сынир ӱчӱн кирек. Андада киртіністерің уурап парчатхан алтыннаң аарлығ полар. Алтынны даа сынға от-чалыннаң сыныхтидырлар. Сірернің киртіністерің сынға сынағны ирт парза, Христос килер туста сірерге махтас, сабланыс паза аарлас полар.

1 Коринфтегілерге 4:5

Аннаңар, тузы читкелекке, Хан-пиг килгелекке, пір дее нимені ӱзӱрбеңер. Ол харасхыда чазырыл парғанны чарыдыбызар, чӱректегізін іле сығарыбызар. Андада полғанына ла Худайдаң махтас полар.

1 Петрның 5:4

Ӧӧн хадағҷы килзе, сірерге тӱгенмес сабланыстың сыйии пирілер.

2 Тимофейге 2:10

Аннаңар, талламалары Христос Иисуста арачыланыс табарлары паза мӧгі сабланысха кірерлері ӱчӱн, мин прай сидіктерні сыдас турбын.

Римдегілерге 2:29

Істінең иудей полза, ол сын иудей. Сын сӱннет кізінің идін кискені нимес, че чӱректің алысханы. Андағ сӱннет Чахығ хоостыра нимес, Худай Худының пастыра иділче. Андағ иудейлерге кізілердең нимес, че Худайдаң махтас полар.

Лука 22:30

Сірер, Минің хан-чирімде столым кистіне одырып, ізіп чиирзер. Ӱлгӱ сіреелерінде одырып, Израиль чонының он ікі сӧӧгін чарғылирзар.

Лука 19:16

Пастағы чалҷызы, кір киліп, чоохтанған: «Ээзім! Синің пір кӱмӱс ахчаңны он кӱмӱс ахчаа читірдім».

Лука 19:18

Ікінҷі чалҷызы, кір киліп, чоохтанған: «Ээзім! Синің пір кӱмӱс ахчаңнаң пис кӱмӱс ахча идіп алғам».