Лука 18:43 - Наа Молҷағ

⁴³ Сах андох ол кізі кӧр сыххан. Анаң, Худайны саблап, Иисустың соонҷа парған. Прай чон, пу нимені кӧріп, Худайны саблаан.

Лука 18:43 Referans Kwoze

Галат чиріндегілерге 1:24

Аны истіп, олар минің ӱчӱн Худайны саблааннар.

Илҷілернің 26:18

Син оларға харахтарын ас пирерге кирексің: харасхыдаң чарыхсар, сайтан ӱлгӱзінең Худайзар айланар иде, Мағаа киртініп, чазыхтарынаң позып алар иде, паза Минің таллап алған кізілерімнің аразында орын алар иде».

Илҷілернің 11:18

Аны истіп, кізілер амырап парғаннар, анаң олар «Че, Худай иудей ниместерге дее чазыхтарынаң хыйа полып, чуртирға оңдай пиртір» тіп, Худайны сабландырғаннар.

Илҷілернің 4:21

Ӧӧркі Чарғыдағылар оларны, кізілер кӧзіне хатығлирға тідінмин, хызаннап ла алып, позыдыбысханнар. Прай чон полған ниме ӱчӱн Худайны сабландырған нооза.

Лука 13:17

Иисус іди нандырғанда, Аннаң тоғыр полчатхан кізілер уйат парғаннар, прай чон, тізең, Аның иткен саблығ киректеріне ӧрінген.

Лука 5:26

Хорыхханнарына прайзы алаң ас парған, анаң Худайны саблап ала, улуғ чочыныста чоохтасхлааннар: «Пӱӱн піс уғаа хайхастығ нимелер кӧрдібіс».

Лука 4:39

Иисус, хыринзар пас киліп, туданға тохтап парарға хатығ чоохтанған, анзы ипчіні позыдыбысхан. Сах андох ипчі, тур киліп, оларның алны-соона хайын сыххан.

Матфей 21:14

Храмда Иисуссар харах чохтар паза ахсахтар пастыр килгеннер. Ол оларны имнебіскен.

Матфей 11:5

Харах чохтар кӧр сыхчалар, ахсахтар, тізең, пас сыхчалар, чызығ палығлығлар арығланып алчалар, туныхтар, тізең, ис сыхчалар, ӧліглер тірілчелер, чох кізілерге, тізең, Чахсы Хабарны искірчелер.

Матфей 9:8

Анзын кӧрген кізілер уғаа таңнап парғаннар. Чазых позытчаң паза имнеҷең ӱлгӱні кізілерге пиргені ӱчӱн, Худайны саблааннар.

1 Петрның 2:9

Сірер, тізең, таллап алған тӧлзер, Хан-пигнің абыстары, ах-арығ чоны полчазар. Сірер Худайның кізілерізер. Сірерні харасхыдаң Позының хайхастығ чариинзар хығыртхан Худай, Аның сабланызын тарадарларың ӱчӱн, сірерні андағ чон ит салған.

Лука 19:37

Ол Елеон тағдаң инҷең чирге чит килгенде, нинҷе пар ӱгренҷілері прайзы кӧрген хайхастары ӱчӱн Худайны, ӧрчіліг хысхырып, саблап сыхханнар: –

Лука 9:43

Прай кізілер Худай кӱзіне таңнаан. Чон Иисустың итчеткен нимелеріне хайхап турған аразында, Иисус ӱгренҷілеріне теен: –