Лука 17:20 - Наа Молҷағ

²⁰ Хай пірее фарисейлер Иисустаң Худай хан-чирі хаҷан килер тіп сурғаннар. Иисус оларға нандырған: – Худай хан-ӱлгӱзі пасхазына пілдіртпин килер.

Лука 17:20 Referans Kwoze

Иоанн 18:36

Минің хан-чирім пу чир ӱстӱнде нимес. Хан-чирім пу чир ӱстӱнде полған полза, нымысчыларым, Мині иудейлерге пирбес ӱчӱн, алныма турарҷыхтар. Че хан-чирім – чир ӱстӱнде нимес, – нандырған Иисус. –

Лука 19:11

Мыны истіпчеткеннерге Иисус хоза кип-чоох чоохтап пирген. Иисус Иерусалимнең ырах нимес полғаннаңар, прайзы Худай хан-чирі тӱрче полбинаң азыл парарға кирек тіп сағынған.

Лука 16:16

Моисей Чахии паза ухаанҷыларның пічіктері кіреске тӱзірҷең Иоанның тузына читіре чӧргеннер. Ана ол тустаң пеер Худай хан-чирінеңер искірілче, полғаны ла андар кӱстеніп кірче.

Лука 10:11

«Маймахтарыбысха пас парған саарыңның тозынын чиріңерге нандыра хахтапчабыс, че піліңер, Худай хан-ӱлгӱзі чағдап килді сірерзер».

Лука 14:1

Пір суббота кӱнде Иисус фарисей пастыхтарының пірсінзер азыранарға кірген, кізілер, тізең, Андар ситкіп кӧргеннер.