Лука 16:7 - Наа Молҷағ

⁷ Анаң паза пірсінең сурған: «Синің чи алымың нинҷе?» «Чӱс хап пуғдай», – нандырған анзы. «Чаҷыныңны алып, анда „сигізон“ тіп пас сал», – теен ағаа устағҷы.

Лука 16:7 Referans Kwoze

Лука 20:12

Анаң ӱзінҷі чалҷызын ысхан, че анзын даа, палығлап, сӱрібіскеннер.

Лука 20:9

Анаң Иисус чонға пу кип-чоохты чоохтап сыххан: – Пір кізі, виноград одыртып салып, аны виноград ӧскірчеткен кізілерге пирібістір, позы ибдең ӱрге парыбыстыр.

Матфей 18:28

Ол нымысчы, тасхар сығып, позынаң чӱс динарий ахча ӧдіске алған арғызына учурап парып, аны хаап алып, «Алымыңны тӧле мағаа!» тіп хысхырып ала, пооп сыххан.

Лука 2:37

амды, тізең, сигізон тӧрт чазын апарчатхан ӧкіс ипчі, храмнаң парбин, ораза тудып, пазырып, Худайның ӱчӱн хараа-кӱнӧрте хайынған.

Лука 16:6

«Чӱс сабан хайах», – нандырған анзы. «Табырах одыр, ол чаҷыныңны алып, анда „иліг сабан“ тіп пас сал», – теен андада устағҷы.

Лука 16:8

Соонаң ол пай кізі киртінҷее чох устағҷызын хыйғазы ӱчӱн махтаптыр. Пу чирдегі кізілер мындағы чуртас киректерінде чарыхтың кізілерінең хай-хай чапчаң сағыстығлар нооза.