Лука 16:24 - Наа Молҷағ

²⁴ чоо хысхырып, чоохтанған: «Авраам паба! Мағаа айап, Лазарьны, салаазын суға ӧллеп, тілімні ӧллебізерге ыстах минзер: мин тың иреелен парирбын пу чалыннығ отта!»

Лука 16:24 Referans Kwoze

Азых чоох 22:1

Анаң ангел мағаа Худайның паза Хурағанның ӱлгӱ сіреезінең ахчатхан, кристалл осхас чарых, чуртастың арығ ағын суун кӧзіт пирген.

Иоанн 4:10

Худай кізілерге ниме пирерге итчеткенін паза Кемнің сағаа «Суғ ізерге пир Мағаа» тіпчеткенін, пілбинчезің. Че пілген ползаң, позың Аннаң тіріг суғны сурарҷыхсың. Ол сағаа аны пирерҷік, – нандырған Иисус. –

Иоанн 4:14

Че Минің пирер суумны іскен кізі хаҷан даа сухсабас. Минің пирер суум аның істінде мӧгі чуртас пирчеткен хара суға айлан парар, – нандырған Иисус. –

Матфей 25:41

Андада Позының сол саринда турчатханнарға чоохтанар: «Хыйа парыңар миннең, хаарғаннар. Сайтанға паза аның ангеллеріне тимнелген успас отха кіріңер.

Азых чоох 20:15

Кемнің ады-солазы чуртас пічиинде пазылбаан полған, ол кӧйчеткен кӧлзер тастатхан.

Иаковтың 3:6

Тіл – ол от-чалын. Ол чуртазыңны чох ит полар чабал нимее толынча. Тіл кӧйчеткен кӧлдең тамылчатханнаңар, аның прай нимені хырчатхан от-чалынға чуртазыңны ағыл полар кӱзі пар.

Лука 16:30

Пай, тізең, алданған: «Чох, Авраам паба! Ӧліглердең піреезі андар парған полза, олар, пыросынып, чазыхтарынаң хыйа поларҷыхтар».

Лука 3:8

Чазыхтарыңнаң хыйа полчатханнарыңны кізілер кӧрер иде, турыстығ киректер идіңер. Пос аразында «Пістің пабабыс Авраам» тирге сағынмаңар даа. Тіпчем сірерге, Худай Авраамға пу тастардаң даа палалар чайап полар.

Иаковтың 2:13

Син айап пілзең, чарғы тузында сині айирохтар. Ӧлҷей чарғыдаң пӧзік ниме.

Азых чоох 19:20

Анаң аң паза чой ухаанҷы туттыр салғаннар. Ол чой ухаанҷы, аңның алнында хайхастар идіп, аңның таңмазын турғыстырып алғаннарны паза аның омазына пазырғаннарны алаахтырған полған. Ол ікӧлең кӧйчеткен сералығ кӧлзер тірігеӧк тастатхан.

Римдегілерге 4:12

Ол ідӧк сӱннет иттірткеннернің пабазы полча. Олар, сӱннет иттірткеннең пасха, Авраам пабабыстың киртініс чолынҷа парчалар. Авраамның ол киртінізі сӱннет иттірткелегіндӧк полған.

Иоанн 7:37

Пайрамның халғанҷы паза иң илбек кӱнінде Иисус, тура хонып, тыыда чоохтанған: – Сухсапчатхан кізі, Минзер киліп, іссін.

Матфей 5:22

Тіпчем сірерге, позының харындазына тиктең чабалланчатхан полған на кізі чарғыладарға кирек. Кем харындазын «нимее чарабаан» тир, ол Ӧӧркі чарғыда чарғыладар. Кем харындазын «алығзың» тир, ол кӧйчеткен кӧлзер тастаттырарға чарғыладар.

Матфей 3:9

Постарыңнаңар, «Пістің пабабыс Авраам» тіп, сағынмаңар даа. Тіпчем сірерге, Худай Авраамға пу тастардаң даа палалар чайап полар.

Лука 19:9

Иисус ағаа теен: – Пӱӱн пу тураа арачыланыс килді. Пу даа кізі Авраам тӧлі нооза.