Лука 16:2 - Наа Молҷағ

² Пай, ол устағҷыны хығырып, теен: «Ниме исчем синнеңер? Устағҷы полып, иткен киректеріңнеңер нандырығ тут, мыннаң мындар ис-пайымнаң устирға сағаа киліспес».

Лука 16:2 Referans Kwoze

Азых чоох 20:12

Мин ӱлгӱ сіреезінің алнында турчатхан ӧл парған саблығ паза олаңай кізілерні кӧр салғам. Пічіктер азылғаннар. Анаң пасха пічік, чуртас пічии, азылған. Ӧліглер пічіктерде пазыл парған хоостыра постарының иткен киректері ӱчӱн чарғылатханнар.

1 Петрның 4:10

Сірер полғаныңар Худайдаң сыйых алғазар. Чахсы устағҷы полып, Худайның пу ӧң-пазы паарсазынаң иптіг тузаланыңар паза удур-тӧдір полызызыңар.

1 Петрның 4:5

Че олар Худайның алнында нандырығ тударлар. Ол ӧліглерні паза тіріглерні чарғылирға тимнен салған.

1 Тимофейге 5:24

Хайзы кізілернің чазыхтары іле – олар кізілерні чарғыласха кӧні апарадырлар. Піреезіни, тізең, – соонаң на азылча.

1 Тимофейге 4:14

Ухааннас хоостыра тигірибнің ах сағаллары сағаа холларын салғаны пастыра Худай Худы пирген сыйиин нимее салбин полба.

2 Коринфтегілерге 5:10

Піске прайзыбысха Христостың чарғызы алнында турарға килізер. Андада пу чирде ит-ханыбыста чуртаан туста иткен чахсы ба, хомай ба киректерібіс ӱчӱн полғаныбыс ла нандырығ тударбыс.

1 Коринфтегілерге 4:5

Аннаңар, тузы читкелекке, Хан-пиг килгелекке, пір дее нимені ӱзӱрбеңер. Ол харасхыда чазырыл парғанны чарыдыбызар, чӱректегізін іле сығарыбызар. Андада полғанына ла Худайдаң махтас полар.

1 Коринфтегілерге 4:2

Хайраллапчатхан кізілердең полғанынаң на киртістіг тудынары киректелче.

1 Коринфтегілерге 1:11

Хлойның ибдегілерінең, харындастарым, сірернің араңарда таластар пол парчатханын истіп алдым.

Римдегілерге 14:12

Ол оңдайнаң полғаныбыс ла Худайның алнында нандырығ тударбыс.

Лука 12:42

Хан-пиг, тізең, нандырған: – Кемдір ізестіг паза хыйға тура устағҷызы? Ээзінің пасха чалҷыларның пазында турғызылған паза оларға чіҷең нимені тузында пирҷең тура устағҷызы.

Лука 12:20

«Нимее чарабаан! Пуох хараазын тыныңны ал чӧрібізерлер, кемге халар чыған ис-пайың?» – теен ағаа Худай.

Матфей 12:36

Тіпчем сірерге, полған на алас-улас сӧс ӱчӱн кізілер чарғы кӱнінде нандырарлар.

Матфей 20:8

Иир пол парғанда, виноградник ээзі тоғыс устағҷызына теен: «Тоғысчыларны хығырып, чал ахчазын тӧлеп пир, соондағылардаң пастап, пастағыларына теере».

Лука 16:1

Иисус ӱгренҷілеріне чоохтаан: – Пір пай кізі полтыр, аның ис-пайын кӧрҷең устағҷызы пар полтыр. Ол пайға, устағҷың ис-пайыңны хоратча тіп, искіргеннер.

Лука 16:3

Ол устағҷы пос алынҷа чоохтанған: «Ниме итчең? Ээзім мині тоғыстаң сығара сӱрерге итче. Мин, тізең, чир хас полбинчам, кілен чӧрерге уйатчам.