Лука 15:10 - Наа Молҷағ

¹⁰ Ідӧк, тіпчем сірерге, Худай ангеллері пыросынчатхан чазыхтығ пір дее кізее ӧрінчелер.

Лука 15:10 Referans Kwoze

Лука 15:7

Тіпчем сірерге, тигірде дее пыросынчатхан пір кізее ӧрініс, пыросынарын кирексібинчеткен тоғызон тоғыс арығ чӱректіг кізее ӧрінгенінең, хай хай улуғ полар.

2 Коринфтегілерге 7:10

Кӧңні тӱскені Худайзар айландырчатса, кізі хайди даа тудынғанын алыстырар паза арачыланысха килер. Кізінің кӧңні пу чирдегілерни чіли тӱссе, анзы ӧлімге ағылча нооза.

Лука 13:5

Чох, тіпчем сірерге, че пыросынмазар, прайларың ідӧк ӧл парарзар.

Матфей 18:14

Сах іди Тигірдегі Пабаңар, пу кічіглернің пірдеезі чох пол парбазын тіп, хынча. –

Еврейлерге 1:14

Ангеллер Худайның нымысчылары ла. Олар арачылан халар кізілернің нымызына чӧрерге турғызыл парғаннар.

Илҷілернің 11:18

Аны истіп, кізілер амырап парғаннар, анаң олар «Че, Худай иудей ниместерге дее чазыхтарынаң хыйа полып, чуртирға оңдай пиртір» тіп, Худайны сабландырғаннар.

Лука 7:47

Аннаңар Мин сағаа тіпчем, улуғ хынысты кӧзіткені ӱчӱн, пу ипчінің кӧп чазыхтары позыдылды. Кемни асхынах позыдылча, анзы асхынах хынча.

Матфей 18:10

Кӧріңер, пу кічіглернің пірдеезін хыйыхтабаңар. Тіпчем сірерге, оларның ангеллері хаҷан даа Тигірдегі Пабамның алнындалар. –

Филимонға 1:15

Хынза, ол синнең тӱрчеге парыбысханы амды син аны нандыра саңайға алып аларың ӱчӱн полған.

Илҷілернің 5:19

Че хараазын Хан Худай ангелі, харибнің ізіктерін азып, оларны позыдыбызып, теен: –

Матфей 10:32

Аннаңар кем чонның алнында Миннең хада полчатханын кӧзітче, Мин дее Тигірдегі Пабамның алнында аннаң хада полчатханымны кӧзідем.

Лука 12:8

Тіпчем сірерге, кем чонның алнында Миннең хада полчатханын кӧзітче, Кізі Оолғы даа ол кізінең хада полчатханын Худай ангеллерінің алнында кӧзідер.

Лука 12:9

Че кем кізілер кӧзіне Миннең хыйа полыбызар, Мин дее аннаң Худай ангеллерінің алнында хыйа полыбызарбын.

Лука 15:9

Таап алза, тізең, ӧӧрелерінең хонҷых ипчілерні хығырып алып, оларға чоохтир: «Ӧрініңер миннең хада: чідір салған ахчамны таап алдым».

Лука 15:11

Анаң Иисус чоохтанған: – Пір кізінің ікі оолғы пар полтыр.