Лука 14:21 - Наа Молҷағ

²¹ Чалҷы, айлан киліп, ээзіне прай ол нимені искір пирген. Ээзі, тарын парып, чоохтанған: «Андағда, саарның улуғ-кічіг орамнарынҷа табырах парып, чох кізілерні, кинектерні, ахсахтарны паза харах чохтарны хығыр кил!»

Лука 14:21 Referans Kwoze

Лука 14:13

Че той итчетсең, чох кізілерні, кинектерні, ахсахтарны, харах чохтарны хығыр.

Иаковтың 2:5

Истіңер зе, хынған харындастарым! Худай тилекейде чохтарны киртініске пай поларға паза Аның хан-чирін ээленерге таллаан нимес пе? Худай ол хан-чирін Позына хынчатханнарға молҷаан нооза.

Матфей 11:5

Харах чохтар кӧр сыхчалар, ахсахтар, тізең, пас сыхчалар, чызығ палығлығлар арығланып алчалар, туныхтар, тізең, ис сыхчалар, ӧліглер тірілчелер, чох кізілерге, тізең, Чахсы Хабарны искірчелер.

Иоанн 9:39

Кӧрбинчеткеннер кӧрзіннер, кӧрчеткеннері, тізең, кӧрбезіннер тіп, мына мындағ чарғынаң чарғылирға чир-чалбахха килгем, – теен Иисус. –

Лука 14:24

Тіпчем сірерге, пастап хығырған кізілернің пірдеезі пу чиисті чібестер. Хығыртхан кізі кӧп, че таллалған кізілер асхынах».

Еврейлерге 2:3

Аннаңар андағ илбек арачыланысты хыйа идіп, хатығластаң хайди осчаң поларбыс. Пу арачыланыстаңар пастап Хан-пиг Позы чарлаан полған. Аны искен кізілер, тізең, піске пу ӱгредігнің сын полчатханын кӧзіткеннер.

Азых чоох 22:17

Худай Худы паза ирге парчатхан хыс тіпчелер: – Кил! Мыны искен кізі, ідӧк тізін: – Кил! Сухсапчатхан кізі килзін. Ізері килчеткен кізі чуртас пирчеткен суғны тикке алзын!

Азых чоох 19:15

Аның ахсынаң чоннарны хырҷаң чітіг хылыс сыхчатхан. Ол тимір тайахнаң чоннарны хадарча паза Прай нимедең кӱстіг Худайның тарыныс паза ӧкпеленіс арағазын сыға пасчаң сапчахты типсепче.

Еврейлерге 13:17

Устағҷының чооғын истіңер, ол теен нимені идіңер. Оларға сірернің ӱчӱн Худайның алнында нандырығ тударға кирек. Аннаңар олар сірернің арачыланызыңардаңар сыбыра сағынчалар. Оларның чооғын иссеңер, олар тоғыстарын ӧрініп ала итчедерлер. Чоох испезеңер, тоғыстарын мӧңіссіреп ала идерлер. Анзы сірернің тузаңарға полбас.

Лука 24:47

Амды Аның адынаң, Иерусалимнең пастади, прай чоннарны, пыросынып, чазыхтардаң позирға ӱгредерге кирек.

Матфей 11:28

Киліңер Минзер прайзыңар, істенчеткеннер паза аар чӱктіглер, Мин сірерге тынағ пирербін.

Лука 9:10

Илҷілер, айлан киліп, иткен нимелерінеңер Иисусха прай чоохтап пиргеннер. Иисус, оларны Позынаң хада алып, Вифсаида саарның хыриндағы ээн чирзер парыбысхан.

Матфей 18:31

Пасха нымысчы арғыстары, ол нимені кӧріп, уғаа хомзын парғаннар. Анаң ханзар парып, прай нимені чоохтап пиргеннер.

Матфей 15:12

Андада ӱгренҷілері, Иисуссар пас киліп, тееннер Ағаа: – Фарисейлер, пу сӧстерні истіп, хомзын парғаннарын пілчезің ме?

Лука 14:20

Ӱзінҷізі теен: «Мин ипчі ал салғам, аннаңар пар полбаспын».

Лука 14:22

Анаң чалҷы ээзіне чоохтаан: «Пигім! Чахииң толды, че столлар кистінде ам даа пос орын пар».

Матфей 20:7

«Пісті пірдеезі тоғысха чаллабаан», – тееннер олар. «Сірер дее винограднигімзер парыңар, тоғынып алған ахчаны тӧлеп пирербін» – чоохтанған оларға ол.