29 Аннаңар, чіҷең-ісчең ниме тілеп, сағыссырабаңар.
Аннаңар пір дее нимедеңер сағыссырабаңар паза сурбаңар: «Ниме піске чиирге?», «Ниме ізерге?» алай «Кисчең кип-азах полар ба ни?»
Анаң ӱгренҷілеріне чоохтанған: – Хаҷан сірерні ахча хапчығы даа, сӱӱмек тее, ӧдік тее чох ысханымда, сірер пірее нимее хызылғазар ба? – Чох, пір дее нимее хызылбаабыс, – нандырғаннар олар.
Анаң Иисус ӱгренҷілеріне теен: – Аннаңар тіпчем сірерге: чіҷең-ісчең нимедеңер, кисчең кип-азахтаңар сағыссырабаңар.
Худайы чохтар анзын тілепчелер; Пабаңар, тізең, анзын кирексіпчеткеннеріңні пілче.
Мындағ даа кічіг нимені ит полбинчатханда, пасхазына нимее сағыссырапчазар?
