Лука 11:49 - Наа Молҷағ

⁴⁹ Ана аннаңар Худайның кӱлӱк сағызы піди теен: «Мин оларзар ухаанҷыларны паза илҷілерні ызарбын; олар, тізең, хай піреелерін ӧдіріп, пасхаларын сӱрерлер».

Лука 11:49 Referans Kwoze

1 Коринфтегілерге 1:30

Сірер Христос Иисуста полчатханын Худай иткен. Иисус Христос, тізең, сірерге Худайдаң пирілген хыйғазы, орта тудынғаны, ах-арығ полғаны паза толығ толдырғаны полча.

Колоссадағыларға 2:3

Анда хыйғаның паза пілістің пар-чох пайы чазырылых.

Ефестегілерге 4:11

Кем «кізілерге сыйыхтар пирген», Олох піреелерін илҷілер, піреелерін ухаанҷылар, піреелерін Чахсы Хабарның тарадығҷылары, піреелерін киртінчеткеннернің хадарҷылары, піреелерін ӱгретчілер ит салған.

1 Коринфтегілерге 1:24

Че Худай арачыланысха хығыртылғаннарға – иудейлерге паза гректерге – пістің ӱгредиибіс Христос полча, Ол Худайның кӱзі паза хыйғазы.

Илҷілернің 22:20

Синнеңер киречілеп чӧрҷең Стефанның ханы тӧгілгенде дее, мин, анда турып, аны ӧдірчеткеннеріне чӧпсініп, аны сохчатханнарның кип-азахтарын хадарғам».

Илҷілернің 8:3

Савл, тізең, тигіриб чонын сайбаан; турадаң тураа кіріп, иреннернең ипчілерні хаап, харибге чаптыр салып одырған.

Илҷілернің 7:57

Че Ӧӧркі Чарғыдағылар, хулахтарын чаап, хысхырыза тӱскеннер, анаң прайзы Стефанға тыыныбысхан.

Илҷілернің 1:8

Че Худай Худы сірерге тол парза, кӱс алынарзар, андада сірер Иерусалимде дее, прай Иудей чирінде дее, Самар чирінде дее, чирнің хыринда даа Минің киречілерім поларзар.

Иоанн 16:2

Сірерні синагогалардаң сығара сӱрерлер. Сірерні ӧдірчеткен полған на кізі позының киреенең Худайға чахсы итчем тіп сағынар. Андағ тус чағдапча.

Лука 24:47

Амды Аның адынаң, Иерусалимнең пастади, прай чоннарны, пыросынып, чазыхтардаң позирға ӱгредерге кирек.

Матфей 22:6

пасхалары, тізең, ханның нымысчыларын, тудып алып, иреелеп, ӧдірібіскеннер.

Лука 11:48

Іди сірер пабаңарның иткен киректерінең чарасчатханнарыңны киречілепчезер. Олар ухаанҷыларны ӧдіргеннер, сірер, тізең, оларға хумартхы тастар турғысчазар.

Илҷілернің 11:27

Олох кӱннерде Антиохсар Иерусалимнең ухаанҷылар килгеннер.

Азых чоох 16:6

Ах-арығ кізілернің паза ухаанҷыларның ханын тӧккеннері ӱчӱн, Син оларға хан ізерге пиргезің. Олар ағаа турыстығлар.

Азых чоох 18:20

Пу саарның ӧлгеніне ӧрініңер тигірдегілер, Худайның илҷілері, ухаанҷылар! Ол саар сірерге хомай иткен ӱчӱн, Худай ағаа чарғызын читірді!