Лука 11:4 - Наа Молҷағ

⁴ Піс алымнығ алай пыролығ кізілернің пыроларын тастапчатхан чіли, Пістің дее пыроларыбысты ідӧк таста. Пісті хыҷыхтаныстарнаң сыныхтаба, че чабалдаң арачыла.

Лука 11:4 Referans Kwoze

Матфей 26:41

Хыҷыхха пастырбас ӱчӱн, узубаңар, пазырыңар. Кізі кӧңні кӱстіг, че ит-сӧӧгі порт.

Колоссадағыларға 3:13

Пірее кізінің піреезіне хоп полза, удур-тӧдір тыстанызыңар. Христос сірерге хайди пыро тастаан, сірер дее ідӧк идіңер.

Матфей 18:35

Тигірдегі Пабам сірерні ідӧк идер, сынап сірернің полғаныңар ла хомай иткен харындазының пырозын прай чӱреенең тастабаза.

Иаковтың 2:13

Син айап пілзең, чарғы тузында сині айирохтар. Ӧлҷей чарғыдаң пӧзік ниме.

2 Тимофейге 4:18

Прай даа чабал киректең Хан-пигібіс ал халар мині паза Позының тигірдегі хан-чиріне апарар. Хаҷан даа сабланыс Ағаа. Аминь.

2 Фессалониктегілерге 3:3

Хан-пигібіс, тізең, киртістіг. Ол сірерні киртіністе пик турғызар паза сайтаннаң арачылир.

1 Коринфтегілерге 10:13

Сірерні сынапчатхан ноо даа хыҷыхтаныс ол олаңай ла, кізі хыҷыхтанызы полча. Худай, тізең, киртістіг, ол сірерге сыдап полбас хыҷыхтанысты ыспас. Хыҷыхтаныста сірерге аны сыдас парыбызар кӱс пирер. Іди Ол сірерге полыс полар.

Иоанн 17:15

Оларны чир-чалбахтаң алып аларыңнаңар нимес, че хомай киректердең хайраллап аларыңнаңар сурынчам.

Лука 22:46

Андада Иисус оларға теен: – Ноға узупчазар? Турып, хыҷаланыстарға пастырбас ӱчӱн, пазырыңар.

Лука 8:13

Тастығ чирге тӱскен ӱреннер чи? – Анзы Худай сӧзін, истіп, чӱректеріне ӧрчіліг алчатхан кізілер, че чилегелері чохтаңар, ӱр нимес ле киртінчелер, анаң, сыныхтаға урунзаларох, киртіністерін тастабысчалар.

Азых чоох 3:10

Сыдамах полыңар тіп пирген чахиимны хайраллааныңар ӱчӱн, Мин дее сірерні сидік сыныхтағ тузынаң хайраллирбын. Ол сыныхтағ, чир ӱстӱндегі чоннарны сыныхтирға тіп, прай тилекейге ызылар.

Азых чоох 2:10

Сірерге тӱзер хыйаллардаң хорыхпаңар. Кӧрерзер, сайтан, сірерні сыныхтирға тіп, хай піреелеріңні харибге чаап салар. Сірер он кӱн ирееленерзер. ӧдірттеечетсер, Мағаа киртінерін тастабаңар, анаң Мин сірерге чуртастың сабланыс таниин – веногын, пирербін.

Лука 11:5

Анаң оларға чоохтанған: – Сірернің пірееңерге, орты хараада нанҷыңарзар парып, «Нанҷым! Мағаа ӧдіске ӱс халас пир.

Лука 13:4

Алай Силоам башня тӱскенде, анда чоо пастыртхан он сигіс кізінің пырозы Иерусалимде чуртапчатхан пасха кізілердинең кӧп полған тіп, сағынчазар ба?