Колоссадағыларға 4:12 - Наа Молҷағ

¹² Сірердең килген Епафрас, Иисус Христостың хулы, изен читірче. Сірерні, тееніп, Худайның кӧңнін сыбыра пик сағыснаң толдырзыннар тіп сірернің ӱчӱн пазырып, парчан кӱзін салып кӱрес парча.

Колоссадағыларға 4:12 Referans Kwoze

Римдегілерге 15:30

Харындастар! Хан-пигібіс Иисус Христостың паза Худай Худының хынызы ӱчӱн алданчам, минің кӱрезииме хозылыңар. Миннеңер Худайға пазырыңар:

Колоссадағыларға 1:9

Аннаңар піс тее, мыны ис салған кӱннең сығара, сірердеңер тохтағ чох пазырчабыс. Худай Позының пӧгіннерінеңер сірерге толдыра піліс пирзін тіп, Аннаң сурынчабыс. Іди сірер хайдағ даа нимеде хыйға тудынарзар паза Худай Худынаң пирілчеткенні оңар пілерзер.

Филимонға 1:23

Епафрас, Христос Иисустың ӱчӱн миннең хада чабығда одырчатхан кізі, Марк, Аристарх, Димас, Лука – мағаа хабасчатхан кізілер, сағаа изен читірчелер.

Колоссадағыларға 1:28

Ол Христосты піс чарлапчабыс, полған на кізіні, ӱгредіп, хыйғазын кирдірчебіс. Піс аны, полған на кізі, Иисус Христоснаң пірге полыбызып, теен парары ӱчӱн, итчебіс.

Колоссадағыларға 1:7

Сірер, тізең, Худайның паарсазынаңар пістің хынған хабасчыбыс Епафрастаң, Христостың сірерге киртістіг нымысчызынаң, искезер.

2 Петрның 1:1

Сірерге, пісти осхас аарлығ киртіністері пар кізілерге, Иисус Христостың нымысчызы паза илҷізі мин, Симон Пётр, пасчам. Орта нимее хынчатхан Худайыбыс паза Арачылағҷыбыс Иисус Христос пу киртіністі сірерге пирген.

Галат чиріндегілерге 4:19

Палаларым, сірерде Христостың омазы іле кӧрін парбаанҷа, сірернің ӱчӱн мин, тӧрітчеткен чіли, пазох ирееленчем.

Галат чиріндегілерге 1:10

Ам мин кізілернің ме, Худайның ма чахсы хылынғанын тілепчем? Кізілернің кӧңнінҷе поларға кӱстенчем ме? Мин пу тузыма читіре кізілернің кӧңнінҷе пол чӧрерге харасхан ползам, Христостың хулы полбасчыхпын.

Римдегілерге 15:14

Харындастарым! Мин сірернің чахсы нименең тол парғаннарыңны, сірерде ноо даа піліс парын паза удур-тӧдір ӱгредіс полчатханнарыңны пір дее ікінҷілебинчем.

Иуданың 1:24

Сірерні киртіністең хыйа парыбызарынаң арачылапчатхан паза Позының сабланызына сірерні ӧріністіг, пір чазых чох ағыл полар Худайны сабландырыңар.

Еврейлерге 5:14

Хатығ чиис улуғ кізілерге пиріледір. Олар кӧпті кӧргеннеңер, чахсыны чабалдаң талластыр пілчелер.

Еврейлерге 5:7

Иисус чир ӱстӱнде чӧргенде, пазырып ала, харах чазын тӧгіп, оорлап, Худайны алдаан. Аның Иисусты ӧлімнең ал халар оңдай полған нооза. Иисус, Худайны улуғлап, Аның чооғын искен, аннаңар Худай Аның алданызын ис салған.

Колоссадағыларға 1:22

Амды, тізең, Христостың пу чирдегі иді-сӧӧгі пастыра Худай сірерні Позынаң чарастыр салған. Ол Позының алнында сірерні ах-арығ, пыро чох, пір чігі чох кӧзідерге тіп, Христостың ӧлімінең анзын иткен.

2 Коринфтегілерге 13:11

Че, харындастар, ӧрініңер, хыйғаларың хозыңар, часхарыныңар, пір сағыстығ, амыр чуртаңар. Андада хыныс паза амыр пирчеткен Худай сірернең хада полар.

1 Коринфтегілерге 14:20

Харындастар, сағызыңар палани синінҷе полбазын: чабалға пала осхас полыңар, сағыстарың хоостыра, тізең, теен парған полыңар.

1 Коринфтегілерге 2:6

Хыйға сағыстардаңар ӱгредігні піс киртіністе тиміне читкен кізілернің аразында таратчабыс. Че ол хыйға пу тусти нимес, пу тустардағы ӱлгӱлерни нимезӧк.

Иоанн 12:26

Минің нымызыма чӧрчеткен кізі Минің соомҷа парзын! Мин хайдабын, ол андох полар. Минің нымызыма чӧрчеткен кізіні Пабам улуғлир.

Матфей 5:48

Сірер, тізең, Тигірдегі Пабаңар осхас ӧтіре чахсы полыңар.

Иаковтың 5:16

Чазыхтарыңны удур-тӧдір сығарынызыңар. Чазыл парар ӱчӱн, пірсі пірсінің ӱчӱн пазырыңар. Арығ чӱректіг кізінің пазырғаны улуғ кӱстіг ниме.

Иаковтың 1:1

Иаков, Худайның паза Хан-пигібіс Иисус Христостың хулы, сірерге, тарадыл парып чӧрген он ікі сӧӧкке, пасчам. Изен-хазых полыңар!

1 Фессалониктегілерге 5:23

Амыр пирчеткен Худайыбыс Позы сірерні тооза ах-арығ ит салзын. Хан-пигібіс Иисус Христостың килеріне сірернің худыңар, кӧңніңер, идіңер пырозы чох хайраллал халзыннар.

Лука 22:44

Тыны тар полып, Иисус уламох тың пазырған, тирі, тізең, хан тамҷыхтары чіли, чирзер тоолаан.

Лука 1:1

Пістің арабыста полған нимелердеңер изерістіре пас саларға кӧп кізі кӱстенген.

Колоссадағыларға 1:29

Аның ӱчӱн мин пар-чох кӱзімні салынып істенчем. Мағаа Христос пирчеткен илбек кӱснең кӱрес парчам.

Колоссадағыларға 4:9

Аннаң хада сірердең килген Онисимні, киртістіг паза хынған харындазыбысты, ыстым. Олар мында ниме полчатханын сірерге чоохтағлап пирерлер.

Иаковтың 1:4

Сірер сағыс кір парған, толдыра, читпестер чох кізілер пол парар ӱчӱн, тыстаныс позының тоғызын ит саларға кирек.