Колоссадағыларға 3:5 - Наа Молҷағ

⁵ Аның ӱчӱн постарыңның пу чирдегі ит-ханыңарны ӧлдірібізіңер: чӧреес хылыхтарны, арығ нимес киректерні, хыҷыхты, чабал хынығыстарны, чабдыланысты. Чабдыланыс ол чой худайларға пазырынғаны полча.

Колоссадағыларға 3:5 Referans Kwoze

Римдегілерге 8:13

Сірер ит-ханның оңдайынҷа полчатсар, ӧл парарзар. Ит-ханның хынығыстарын Худай Худынаң пазынып алзар, чуртирзар.

Галат чиріндегілерге 5:24

Че Христостың кізілері пос постарын, хынығыстарын паза хыҷыхтарын, кіреске хазап салғаннар.

Римдегілерге 6:13

Идіңернің чардыхтарын пірдеезін чазыхтың ӱлгӱзіне пирбеңер, чабалның тириине айландырбаңар. Ӧліглердең тіріл парған постарыңны, сынның тирии идіп, Худайның ӱлгӱзіне пир салыңар.

1 Петрның 2:11

Хынғаннарым, сірер пу чирде килген чон осхассар. Мин сірердең сурынчам, кізі чӱреен ардатчатхан ит-ханның хыҷыхтаныстарынаң хыйа полыңар.

1 Коринфтегілерге 6:18

Чӧреес хылыхтығ кізідең тис чӧріңер: кізі итчеткен ноо даа чазых иді-ханына теңминче. Чӧреес хылыхтығ полғаны, тізең, кізінің позының иді-ханынаң тоғыр чазых иткені полча.

Ефестегілерге 4:19

Олар, нимені нимее салбас пол парып, аймах-пасха чабал нимелер идіп тее, хыҷыхтарын хандыр полбин, оралызып чуртапчалар.

2 Коринфтегілерге 12:21

Мин хатап килзем, Худайым, сірернің хайди полчатханнарыңны кӧзідіп, мині уйатха сухчаң полбазын. Алында чазых иткен паза арығ нимес хылынған, чӧреес, уйат пілбин тудынғаннарына Худайның алнында пыросынминчатхан кізілердеңер ылғирға киліс парҷаң полбазын.

Азых чоох 21:8

Че хортыхтарға, киртініс чохтарға, чабал хылыхтығларға, кізі ӧдірчеткеннерге, оралысхахтарға, сыбырағҷыларға, сын нимес худайларға пазырчатханнарға паза прай чойларға кӧйчеткен сералығ кӧлде орын полар. Мынзы – ікінҷі ӧлім.

Римдегілерге 7:23

Че ит-ханымның чардыхтарында пасха чахығ кӧрчем. Ол, минің сағызымның чахиина тоғырланып, ит-ханымдағы чазыхтың чахиинаң тузахтап салча.

Матфей 15:19

Чабал сағыстар, ӧдірері, оралызары, чӧреес хылыхтары, оғырлиры, чой киречілирі, сӧклирі чӱректең сыхчалар нооза.

Азых чоох 22:15

Саар тастында адайлар, сыбырағҷылар, оралысхахтар, ӧдірігҷілер, тайма худайларға пазырчатханнар, чой ниме идерге хынчатхан паза итчеткен полған на кізі халарлар. –

Иаковтың 4:1

Сірернің араңарда ыырлас паза тоғырланыс хайдаң сыхча? Мыннаң нимес пе: иді-ханыңарда чааласчатхан хынығыстардаң нимес пе?

1 Коринфтегілерге 6:13

Чиис – хурсахха, хурсах таа – чииске. Че Худай анзын даа, мынзын даа чох ит салар. Кізі иді-ханы чӧреес хылыхха салылбаан, че Хан-пиге. Хан-пиг, тізең, кізі иді-ханынаңар сағыссырир.

Римдегілерге 6:6

Алындағы позыбыс Иисуснаң хада кіреске хазат салғанын піс пілчебіс. Анзы пістің чазыхтығ ит-ханыбыс піске ӱлгӱ салбазын тіп, піс чазыхтың хуллары полбас ӱчӱн, іди иділген.

Еврейлерге 13:4

Ирепчі палғалызын аарлаңар. Ирлері дее, ипчілері дее киртістіг поларға киректер. Оралысха паза чӧрееске сабылғаннарны Худай позы чарғылапча.

Еврейлерге 12:16

Араңарда чӧреечі алай Худайны улуғлабинчатхан кізі пол парбазын. Исав осхас кізілер пір азырал ӱчӱн улуғ оолның ӱлӱзін орнастырыбызарға тимделер.

1 Фессалониктегілерге 4:3

Худай кӧңні андағ: ах-арығ чуртас чуртирға, чӧреес хылыхха пастырбасха.

1 Коринфтегілерге 5:1

Сірернің араңарда чӧреес хылых кірібіскеннеңер сын чоох пар. Ағаа хоза, Худайы чохтар аразында даа полбинчатхан нимені итче одырзар: кем-де ипчізі орнына пабазының ипчізінең полча одыр.

Римдегілерге 7:5

Піс ит-ханның оңдайынҷа чуртааныбыста, чахығ чазыхтығ хыҷыхтарыбысты ілее сығарған. Ол хыҷыхтарыбыс идібіснең устап, пісті ӧлімнең парыстандырҷаңнар.

Римдегілерге 1:29

Олар сын нимес нимее, оралысха, кӧйтіктеніске, чаптанысха, чабалланысха, істі чохтанысха, ӧдіріске, тартысха, чойланысха, чабал хылыхха, пат парғаннар.

Римдегілерге 1:26

Аннаңар Худай оларны чиркестіг хынығыстарға пир салған: ипчілері чир-салылғанни ирлерінең хонмин, сан-тискер хыныс сыхханнар.

1 Фессалониктегілерге 4:5

Худай пілбинчеткен чоннар чіли, сайбах сағыстарға салынмаңар.

1 Коринфтегілерге 6:11

Сірернің аразында андағлар полғаннар. Че арығланып алғаннар, ах-арығ пол парғаннар, Хан-пигібіс Иисус Христос паза Худайыбыс Худының пастыра ахтанып алғаннар.

Колоссадағыларға 2:11

Сірерге сӱннетті кізі холынаң иттірбееннер. Христос сірерге позының сӱннедін итіріп, кізі постарыңнаң пос ит салған.

1 Тимофейге 6:10

Тооза чабал нименің ӧзені ахчаа сабылғаны полча. Ағаа салынғаннарның хайзылары киртіністең хыйа парыбысханнар паза постарын кӧп чобағларға кир салғаннар

Еврейлерге 13:5

Ахчаа сабылбаңар, пар нимее чӧпсініңер. Худай Позы теен, хайза: «Сині халғыспаспын, сині тастабаспын».