Колоссадағыларға 3:2 - Наа Молҷағ

² Чирдегі нимес, ӧӧркідегі нимелердеңер сағынчадыңар.

Колоссадағыларға 3:2 Referans Kwoze

Колоссадағыларға 3:1

Сірер Христоснаң хада тіріл парған ползар, ӧӧре харазыңар. Анда Христос Худайның оң саринда одырча.

Матфей 16:23

Иисус, тізең, Пётрзар айланып, чоохтанған: – Хыйа пар Миннең, сайтан! Син Минің чолымны туйухтапчазың, синің сағызың Худайдаң нимес, кізілердең.

Матфей 6:19

Чир ӱстӱнде ис-пай чығбаңар. Анда аны кӧӧ алай тат чіп салча, алай оғырлар, кіріп, оғырлап парыбысчалар.

Колоссадағыларға 3:5

Аның ӱчӱн постарыңның пу чирдегі ит-ханыңарны ӧлдірібізіңер: чӧреес хылыхтарны, арығ нимес киректерні, хыҷыхты, чабал хынығыстарны, чабдыланысты. Чабдыланыс ол чой худайларға пазырынғаны полча.

Лука 12:15

Анаң оларның прайзына теен: – Кӧріңер, азымахчы полардаң китеніңер. Кізінің чуртазы ис-пайының кӧбінең полбинча.

Лука 16:11

Аннаңар, мындағы ис-пайға киртізі чох полған ползаңар, кем сірерге сын пайны киртініп пирер?

Филипптегілерге 1:23

Анзы даа, мынзы даа кӧңнімні тартча. Минің, пу ах-чарыхтаң парыбызып, Христоснаң хада поларым килче: анзы хай-хай артых нооза.