Колоссадағыларға 3:16 - Наа Молҷағ

¹⁶ Христостың сӧзі толдыразынаң сірерде чӧрзін. Удур-тӧдір пар-чох хыйғаңарнаң ӱгредізіңер паза сағыс алындырызыңар. Худайны саблапчатхан ырлар паза сарыннар ырлап, чӱрееңерде Хан-пигні алғыстап, Ағаа сарнаңар.

Колоссадағыларға 3:16 Referans Kwoze

Ефестегілерге 5:19

Худайны саблапчатхан ырларның паза сарыннарның сӧстерін тузаланып чоохтас турыңар. Прай чӱрееңернең Хан-пигібісті сабландырып, сарнаңар.

Иоанн 15:7

Сірер Мағаа киртінзеңер, Минің сӧзімні толдыр турзаңар, андада ниме дее сурыңар – Пабам аны сірерге пирер.

Римдегілерге 10:17

Ол оңдайнаң киртініс Чахсы Хабарны искеннең килче. Чахсы Хабар, тізең, Худайдаң сӧстең пастыра искірілче.

1 Иоанның 2:24

Иисус Христосха киртініп пастаан тустох искен нимелер чӱрееңерде ползын. Ол тустох искен нимелер чӱрееңерде полза, сірер Оолғында даа, Пабада даа поларзар.

Ефестегілерге 1:17

Хан-пигібіс Иисус Христостың Худайы, сабланыстығ Пабазы, сірерге хыйға сағысты пирчеткен паза Худайдаңар ӱгретчеткен Хутты пирзін тіп сурынчам. Аны пирзе, сірер Худайны чахсы піліп аларзар.

Иаковтың 3:17

Кізінің ӧӧртін килген хыйғазы – иң пурнада, арығ, анаң амыр, тың тапсабас, сӧс истеечі, паарсасха паза чахсы киректерге толдыра, кізілерні талластырбас паза чойырхабас ниме.

2 Иоанның 1:2

Ол Сын пісте паза піснең хада хаҷан даа полар.

2 Тимофейге 3:15

Син Худайның Пічиин кічігдең пілчезің нооза. Ол Христос Иисусха киртініс пастыра арачыланарға сағыс пирче.

Колоссадағыларға 1:9

Аннаңар піс тее, мыны ис салған кӱннең сығара, сірердеңер тохтағ чох пазырчабыс. Худай Позының пӧгіннерінеңер сірерге толдыра піліс пирзін тіп, Аннаң сурынчабыс. Іди сірер хайдағ даа нимеде хыйға тудынарзар паза Худай Худынаң пирілчеткенні оңар пілерзер.

Азых чоох 5:9

Олар, Аны махтап, наа сарын сарнап сыхханнар: – Син тайыға салылғазың, Син пісті Позыңның ханыңнаң полған на сӧӧктең, аймах тіллердең, аймах чоннардаң, аймах тӧллердең сыххан кізілерні Худайға, садып алып, пиргезің Аннаңар Син, пу пічікті алып, аның таңмаларын суурыбызарға турыстығзың!

1 Иоанның 2:27

Иисус Христостаң пирілген Худай Худы сірерде полча, аннаңар сірерні ӱгредерге кирек чоғыл. Ол Хут сірерні прай нимее ӱгретче. Ол сын, Анда чой ниме чоғыл. Аннаңар сірер Ол ӱгреткен оңдайҷа чуртаңар.

Колоссадағыларға 4:6

Сурған кізее хайди нандырарын піліңер: сӧстерің паарсастығ паза ӧтіг ползын.

Ефестегілерге 5:17

Ниик сағыстығ полбаңар. Худай сірердең ниме идерлеріңні сағыпчатханын піліп аларға кӱстеніңер.

Иаковтың 5:13

Сидікке урунзаң – пазыр. Хайзылары кӧгліглер бе? Худайға алғастар сарназыннар.

Титке 3:6

Піс, Иисус Христостың паарсазынаң ахтанып алып, мӧгі чуртасха ізеніс аларыбыс ӱчӱн, Худай піске Иисус Христос Арачылағҷыбыстың пастыра Худай Худын айағ чох урған.

1 Коринфтегілерге 14:26

Аннаңар, харындастар, ниме зе? Сірер чыылыс парзар, полғанының на Худайны саблапчатхан сарын, ӱгредіг, тіл азылғаны, тӱптестіріг пар полза – прай ол тигірибні пиктиріне полар.

Иаковтың 1:5

Сірернің пірееңернің Худайдаң пирілген хыйғазы читпинчетсе, Аннаң сурынзын, ағаа пирілер. Худай прайзына, харанмин, уйаттырбин, пиредір нооза.

Колоссадағыларға 1:28

Ол Христосты піс чарлапчабыс, полған на кізіні, ӱгредіп, хыйғазын кирдірчебіс. Піс аны, полған на кізі, Иисус Христоснаң пірге полыбызып, теен парары ӱчӱн, итчебіс.

Азых чоох 15:3

Олар Худай нымысчызы Моисейнің паза Хурағанның сарынын сарнапчалар: – Илбек паза хайхастығ Синің иткен киректерің, ӧӧркі Чайаачы, Прай нимедең кӱстіг Худай! Син Ах-арығ кізілеріңнің Ханы! Синің чолларың орта паза сын!

1 Иоанның 2:14

Пабалар! Кемнің иң пастабох пар полғанын піліп алғаннарың ӱчӱн, сірерге пас пирдім. Чииттер! Кӱстіг полчатханнарың ӱчӱн, Худай сӧзін толдырчатханнарың ӱчӱн, сайтанны чиңіп алғаннарың ӱчӱн, сірерге пас пирдім.

1 Тимофейге 6:17

Пайларны пу тустарда ӱгрет пар: постарын пӧзікке санабазыннар, ізес чох ис-пайларына тың на ізенмезіннер, че піске ӧрінерге прай нимені толдыразынаң пирчеткен сын-тіріг Худайға ізензіннер.

2 Фессалониктегілерге 3:15

Че аны ыырҷаа санабаңар, харындасты чіли, ӱгредіп одырыңар.

1 Фессалониктегілерге 4:18

Ана іди пу сӧстернең удур-тӧдір часхарызыңар.

1 Коринфтегілерге 14:15

Ниме идерге кирек? Худымнаң даа пазырарбын, сағызымнаң даа пазырарбын. Худымнаң даа сарнирбын, сағызымнаң даа сарнирбын.

Матфей 26:30

Анаң олар, Худайны саблапчатхан ырны ырлап ала, Елеон тағзар парғаннар.

Римдегілерге 15:14

Харындастарым! Мин сірернің чахсы нименең тол парғаннарыңны, сірерде ноо даа піліс парын паза удур-тӧдір ӱгредіс полчатханнарыңны пір дее ікінҷілебинчем.

Лука 2:51

Иисус оларнаң хада, чолға сығып, Назаретсер айлан килген. Ол паба-іҷезінің чооғын исчең. Іҷезі, тізең, Иисустың прай сӧстерін чӱреенде хайраллаан.

Азых чоох 19:10

Андада мин, аның азағына тӱзіп, ағаа пазырарға иткем, че ол мағаа теен: – Мыны идерге чарабас! Мин дее синӧк осхас паза Иисустың киречілері полчатхан харындастар осхас Худайның нымысчызыбын. Худайға пазыр! Ухаанҷылас худы Иисустаңар киречілес полча.

Азых чоох 14:3

Олар ӱлгӱ сіреезінің, тӧрт аңның паза ах сағалларның алнында наа сарынны сарнапчатханнар. Пу сарынны прай чоннардаң толығ тӧлеп алылған 144 муң кізідең пасха пірдеезі сарнап полбаан.

Ефестегілерге 5:26

Ол, Чахсы Хабарны чир ӱстӱне читіріп, тигірибні Худайға чарыдар ӱчӱн, аны, суғнаң чуубызып, арығлап салған.

1 Фессалониктегілерге 1:8

Сірердең сығара Худай сӧзі Македон паза Ахай чирінҷе ле нимес, че тиксі чирлерҷе тараан, сірернің Худайға киртіністерің сабланған – піске аннаңар ниме дее чоохтирға кирек чоғыл.